Ѓоковиќ попушта: Тенискиот титан загуби во третото коло на УС Опен од 23- от на листата

Дали е време да се пензионира? ова го поставуваат како прашање сите релевантни светски спортски стручњаци. Доби се, се што можеше во белиот спорт. Но Ѓоковик не запира, иако само што го запреа...

На УС Опен Новак Ѓоковиќ не личеше на себе. Затоа во третото коло беше елиминиран од Алексеј Попирин и сезоната ја завршува без Гренд слем.

-Не се чувствував свеж ментално или психолошки. Тоа е друга површина. Дефинитивно имаше одредено влијание. Потрошив многу енергија во освојувањето на златото. Не пристигнав во Њујорк свеж ментално и психолошки. Бидејќи тоа е УС Опен, немав физички проблеми, само се чувствував како да немам гориво, истакна Србинот.

-Честитки за Попирин и неговиот тим. Тој одигра подобро и заслужи да победи. Искрено, со оглед на тоа како се чувствував и играв од почетокот на турнирот… третото коло е успех. Играв еден од најлошите тенис во мојот живот. Сервисот ми беше убедливо најлош… На ваква брза подлога, не можеш да победиш против момци кои се во форма како Алексеј, искрен беше Новак.

Последен пат Ѓоковиќ беше елиминиран во рана етапа на Гренд слем од Истомин во 2017 година во Мелбурн (второ коло).

-Сега имам горчлив вкус во устата поради поразот. Имав многу повеќе победи отколку порази на сите турнири, морам да ја повлечам линијата и да ја погледнам пошироката слика, но сега е тешко да се направи тоа. Лут сум и вознемирен поради поразот, но утре е нов ден, додаде еден од најдобрите во историјата на тенисот.

Сезоната завршува без Гренд слем за српскиот тенисер, а интересно, за прв пат по 2002 година, се случува Новак Ѓоковиќ, Роџер Федерер или Рафаел Надал да не освојат Гренд слем турнир во една сезона.