Грција ја проценува штетата после земјотресот: Владее паника од нов потрес

Експертите денес ја проценуваат штетата по земјотресот со јачина од 6,3 степени, што го погоди централниот дел на Грција, кога 11 лица беа повредени, а стотици згради беа оштетени.

Десетици жители на селата Дамаси и Месохори, северно од Атина, ја поминаа ноќта надвор.

Ним им беше овозможено сместување во шатори и хотели во блиските градови Трикала и Лариса, објави Цивилната заштита.

Синоќа се почувствуваа повеќе земјотреси, а најсилниот беше со јачина од 5,2 степени.

Екипи прегледуваа куќи, како и училишта кои денес се затворени како претпазливост, болници и други јавни згради.

Меѓу оштетените згради има четири цркви, од кои едната датира од 17 век, според Министерството за култура.

Земјотрес со јачина од 6,3 степени според Американскиот геофизички институт и земјотрес со шест степени според податоците на Атина беше регистриран вчера нешто пред 12 часот.

Епицентарот бил на 238 километри северно од Атина и на длабочина од осум метри, објави Атинската опсерваторија.

Земјотресите се вообичаени во Грција. Во земјотресот со седум степени според Рихтеровата скала на 30 октомври минатата година во Егејското Море, помеѓу островот Самос и турскиот град Измир, загинаа две лица на Самос и 114 во Турција.

Извор и фото: Бета