ИСИС ОБЈАВИ ВИДЕО ОД НАПАДОТ ВО МОСКВА: Напаѓаат со долги цевки, па пукаат во цивили - Морничави сцени во салата

Одговорноста за нападот вчера ја презеде Исламската држава, а беше објавено и видео од нападот на салата.

Исламската држава објави видео од нападот на концертна сала во близина на Москва. На видеото од една минута и 31 секунда се гледа одблиску како вооружените напаѓачи пукаат рафално додека влегуваат во салата.

Исламска држава ја презеде одговорноста за нападот вчера, а САД соопштија дека нема причина да се сомневаат во нивните тврдења.

„Исламска држава сноси единствена одговорност за смртоносниот напад на концертот“, изјави портпаролот на Советот за национална безбедност на САД.

Адриен Вотсон рече дека Украина не е вмешана.

Владимир Путин претходно тврдеше дека напаѓачите се движеле кон Украина кога биле приведени и дека им бил подготвен „прозорец“ да ја преминат границата, без да обезбеди никакви докази.

„ИСИС сноси единствена одговорност за овој напад. Немаше вмешаност на Украина“, рече г-ѓа Вотсон.

Американската влада сподели информации со Русија за планираниот напад на Москва претходно овој месец и исто така издаде јавен совет до Американците во Русија на 7 март, рече таа.