Како да си го уништите својот живот?
Животниот циклус постојано се врти ... Ви претставуваме интересна студија за леснотијата на уништување на сопствениот живот ...
Само сфатете дека вашиот живот не е права линија. Лесно може да се случи да не завршите училиште, да не се омажите/ожените, да најдете работа која ви одговара, да заработите пари. Дозволено е да се откажете ако напорот ви изгледа премногу тежок. Времето е од суштинско значење и често го забораваме тоа.
Избирате програма од средно, затоа што тоа е вистинската работа да се запишете на факултет. Вие избирате работа, директно од факултет, бидејќи околината тоа го очекува од вас. Секое утро одите на работа затоа што чувствувате потреба да се чувствувате корисно. Ги правите работите што околината ги очекува од вас, без рационално разгледување на сопствените соништа и желби. Наскоро ќе почувствувате притисок дека не сте доволно добри, дека сте празни одвнатре, дека не сте успеале да ги исполните очекувањата на вашите најблиски. Тоа е всушност почеток на уништување на сопствениот живот, вечна потрага по туѓите замислени желби...
Си го уништувате животот, постојано избирате погрешна личност. Денес љубовта е бегство од удобноста, резултат на потребата да се спие покрај некого, каде страста доминира со вниманието. Во обид да не останат сами, луѓето често влегуваат во врски кои не ги задоволуваат и исполнуваат. Разговор и отворен разговор има се помалку. Се обидувате да ја откриете таа вистинска љубов, тој вид на врска што ве мотивира да бидете подобра личност, вид на интимност што е многу ретка. Осаменоста понекогаш е многу корисна затоа што му помага на поединецот да се спознае себеси, да ги согледа своите силни и слаби страни на јасен начин.
Се трудите да си го уништите животот со упорно повторување на вашето минато. Секој ден е приказна за себе и не вреди да се повторува, особено ако не сте извлекле вредни лекции од грешките. Има моменти кои ќе останат со вас, спомени кои вреди да се запаметат, но грешките од минатото можат да ве чинат подобар квалитет на живот во иднина. Ќе пропуштите можности, бидејќи не сте сакале адекватно да ги решите траумите што ве мачат, без разлика дали се работи за неуспех на работа, невозвратена љубов, неуспешен испит...
Се уништувате себеси кога постојано се споредувате со другите. Виртуелното опкружување и социјалните мрежи не ја прикажуваат вистинската состојба на вистинскиот начин. Голем број на онлајн пријатели и следбеници, во реалниот свет и немаат голема вредност. Споредете го вашиот живот со целите што си ги поставивте, а не со достигнувањата на луѓето околу вас. Успешната личност секако може да биде пример за вас, а не средство за споредба, бидејќи секогаш има некој поуспешен, што на крајот доведува до депресија и недостаток на самодоверба. Исто така, постигнувајте ги своите цели во реалниот свет, а не на социјалните мрежи. Храброста лежи во тоа да се биде различен од мнозинството, да се верува во сопствениот пат, а не во патот што го одобрува мнозинството.
Направете мерка за се. Секогаш постои граница, без разлика дали се работи за богатство, љубов, внимание и популарност. Побарајте некоја мерка со која вашето тело може да се справи. Водете спонтан живот, без строго дефинирани насоки, нека животот ве води во нова авантура. Не толерирајте неправда, ако е очигледна. Одбранете го своето ЈАС секогаш кога сте во право.
Да се живее живот надвор од воспоставените правила и принципи не е лесно, но во еден момент направете пресек, запрашајте се во кој правец ви оди животот, дали се стремите да ги остварите вашите соништа или да ги исполните очекувањата на околината? Тогаш е вистинско време за промени...
