Како карпа со минерали: Фантастичниот Laureato Absolute Wired

Брендот Girard- Perregaux воведе нова варијанта на ограниченото издание на својот спортски часовник Laureato Absolute, како форма на прослава на лансирањето на платформата за е-трговија

Наречен Laureato Absolute Wired, ова специјално издание зазема футуристички пристап, со куќиште изработено од карбонско стакло. Иако куќиштето со дијаметар од 44 mm ја следи класичната формула Laureato, употребата на егзотични, футуристички материјали целосно го трансформираше овој часовник. Материјалот за неговото производство се формира со спојување на наизменични слоеви на јаглерод и фиберглас со огромен притисок и топлина, по што конечно се обработува и ја зема посакуваната форма.

Целиот процес не само што му дава текстурален изглед на овој материјал, туку и го прави неверојатно издржлив и лесен - часовникот тежи само 94 грама, додека неговото тело доби мат црна мешавина, со подлога која е збогатена со електричен син сјај.

За да одговара совршено на темната тема на часовникот, моделот доаѓа со правоаголни црни детали од титаниум PVD и мат црн заден дел исто така изработен од карбонско стакло, на кој е врежано логото Laureato Absolute.

Часовникот се напојува со GP03300-1058 автоматски механизам за хронограф, кој нуди резервна моќност од 46 часа, со фреквенција од 28.800 bph. Изгледот на овој модел го комплетира интегриран гумен ремен со текстилен ефект, кој е силен, флексибилен и многу удобен.

Со цена од 17.700 американски долари, ќе бидат направени само 88 примероци од овој модел, и ќе бидат достапни за купување исклучиво преку платформата за е-трговија.