Како мириса вселената: Новиот парфем има токму таков мирис
Ако некогаш сте се запрашале како мириса универзумот, новиот парфем може да ви го даде одговорот, пренесува Си-Ен-Ен.
Новиот парфем „Eau de Space“ беше лансиран за да му донесе мирис на вселената на Земјата, вели неговиот креатор Стив Пирс.
Пирс е хемичар и основач на компанијата Omega Ingredients, која е специјализирана за „создавање на највисок квалитет на природни вкусови за индустријата за храна и пијалоци“, според веб-страницата на компанијата.
Пирс ја ангажираше НАСА во 2008 година за да создаде мирис на вселената, и му беа потребни четири години за да успее.
Тој е создаден за да им помогне на астронаутите да тренираат пред да започнат во орбитата и е дел од програмата на НАСА за елиминирање на можните изненадувања за астронаутите во вселената.
„Изгледа малку како мирис на пушка, кога е истрел куршумот“, рече астронаутот Пеги Витсон, кој беше на Меѓународната вселенска станица ISS. „Мислам дека мирисот е скоро горчлив со додавање на мирис на горење и чад“, еднаш Витсон го опиша искуството за Си-Ен-Ен.
Компанијата наведува дека астронаутите го опишале мирисот како мешавина од барут, нагло пржен стек, малини и рум.
Креаторите на мирисот на универзумот сега работат на лансирање на мирисот на Месечината.
