Комплетно ресетирање на вашите сетила: Панорама Хотел & Спа

Денес стресот стана составен дел од секојдневното живеење. Но тој може да се избегне на многу начини. За да го пронајдете вистинскиот можеби треба време, но ние ве водиме на едно место каде времето и просторот се спојуваат во едно, а душевниот мир и спокој се искачуваат на пиедестал. И не само тоа- воздушната бања дополнително го “зачинува„ и онака фантастичниот амбиент за кој никој не останал рамнодушен.

Да, зборуваме за спа центарот на Панорама хотелот во Крушево. Кој пробал- знае! Комплетно ресетирање ги вашите сетила.

Сместен, како дел од хотелот, над самиот град, спа центарот располага со внатрешен базен кој нуди фантастична панорамска глетка кон Крушево и стаклен покрив кој овозможува постојан видик на небото.

Спа центарот е опремен со хидраулични лежалки, џакузи, топли лежалки и финска сауна.

За целосно опуштање, можете да изберете од различните видови масажи: релакс масажа, спортска, медицинска, масажа на стапала и масажа на лице.

За нега на вашето лице и тело, уживајте во третманите со врвната козметика БАБОР за третирање на лице со алги, salt aroma grow третман на тело, лифт експрес третман на лице, Клеопатра третман на тело или витамински коктел за зацврстување и заштита на кожата.

За иновативна нега на кожата, хидрирање и релаксација ви ги препорачуваме масажите со масла од канабис.

CBD третманот придонесува за регенерација и заштита од предвремено стареење на епидермот, додека антицелулитниот третман со гел од канабис ги намалува масните наслаги, ја подобрува циркулацијата и прави лимфна дренажа.

Заслужувате време за себе, а сега го  знаете и идеалното место за  тоа. Спа центарот е достапен за користење со закажување тука, а е слободен за користење за гостите од хотелот.