„КОРОНА БОМБА“ од Русија: Креаторот на воениот отров „Новичок“ направи лек против ковид-19

Во тек се преговори со Министерството за здравство и другите регулатори за пласирање на медицинскиот пазар

Еден од креаторите на воениот отров „Новичок“, Леонид Ринк, има намера да започне со производство на антивирусен и имуномодулаторски лек „Имофон“ што се бори против ковид-19 и други вирусни заболувања.

- Лекот работи против вирусни заболувања, совршено ги регенерира клетките по работата на неговиот имунолошки систем, односно ја елиминира бурата со цитокини (кога имунолошкиот систем почнува да го уништува својот организам), што според многу експерти е една од причините за смрт од коронавирус - рече Ринк.

Лекот се базира на лекот "Диуцифон" (синтетизиран во Советскиот Сојуз во 1967 година). Тој беше наменет за третман на лепра и сè до 2000-тите беше на списокот на лекови од витално значење. Сега е елиминиран главниот недостаток на советскиот "Диуцифон" - лошо растворање во вода, односно во крвната плазма. Новиот лек е наречен „Имофон“, а во него се комбинираат моќниот странски антивирусен лек „Дапсон“ и две молекули метилурацил, кои заедно го активираат метаболизмот во ткивата и го стимулираат процесот на регенерација.

Покрај борбата против вирусот ковид-19, новиот лек е наменет и за третман на лупус, склеродерма, ревматоиден артритис, псоријаза, алергии, леукемија и белодробни заболувања.

700 лица се тестирани

Според Ринк, до денес, лекот е тестиран на околу 700 постари пациенти, волонтери.

„Не се пријавени сериозни случаи или смртни случаи по инфекцијата“, рече научникот.

Сега неговата компанија Меѓурегионална трговска и индустриска асоцијација „Интервита“ произведува експериментална серија на нов лек за да го тестира неговиот ефект врз различните патологии.

Ринк започна да работи со лекови откако производството на хемиско оружје во Русија беше запрено во 90-тите години на минатиот век.

Исто така, во тек се преговори со Министерството за здравство на Русија и другите регулатори за ослободување на медицинскиот пазар. Според научниците, една доза на лекот ќе чини околу илјада рубли (скоро 11 евра).

Тој посочи дека ефикасноста на „Диукуифон“ е потврдена со клинички испитувања и дека има повеќе од 650 публикации за успешно лекување на разни патологии со тој лек.

Извор:Srbijadanas.rs