Лек посилен од морфиум, легален и бесплатен
По операцијата на коленото, Бенџамин во деновите на опоравување сакал да ја ублажи својата болка. Но решил да не зема лекови, туку да проба необичен метод.
Не бадијала се вели „смеењето е најдобриот лек“. Неодамнешните истражувања покажаа дека, во ситуации кога нешто не боли многу, поддршката од пријателите може да биде поефикасна од дури и најсилните опијати, како што е морфиумот.
Катерина Џонсон, психолог и автор на студија спроведена на Одделот за психијатрија и експериментална психологија на Универзитетот Оксфорд, спроведе студија за тоа дали невробиолошките разлики можат да помогнат во објаснувањето зошто некои луѓе имаат повеќе пријатели од другите.
Нејзиниот тим спроведе експеримент, следејќи ја толеранцијата на поединецот за болка за да ја процени активноста на ендорфин.
Студијата покажа дека луѓето со повеќе пријатели имаат поголема толеранција кон болка.
„ Особено ме интересираше дејството на ендорфинот, хормон одговорен за чувство на приврзаност и задоволство, познат по природните аналгетски својства. Претходните студии покажаа дека тој влијае на социјалното врзување, како кај луѓето така и кај животните. Според една теорија, социјалните интеракции стимулираат позитивни емоции кога ендорфинот се врзува за опиоидните рецептори на мозокот. Затоа се чувствуваме добро кога се дружиме со пријателите. За да ја тестираме оваа теорија, го искористивме фактот дека ендорфинот има природни аналгетски својства, посилен од морфиумот“, рече таа.
Резултатите се исто така интересни затоа што неодамнешните истражувања покажуваат дека протокот на ендорфин може да биде прекинат во психолошки нарушувања како што е депресија. Ова е причината зошто, според Џонсон, депресивните луѓе се повлекуваат од општеството.
Студијата опфати 107 лица на возраст меѓу 18 и 35 години кои први го комплетираа прашалникот за дружељубивост, животен стил, личност и број на пријатели. Потоа им беше зададена задача да изведат многу тежка вежба, обидувајќи се да останат во многу непријатно место колку што е можно подолго.
Резултатите покажале дека испитаниците со повеќе пријатели биле во можност да толерираат болка многу подолго и полесно да ја поднесат.
„Негувајте добри пријателства, затоа што пријателите ви се најдобри сојузници во ситуации кога мора да издржите силна физичка болка“, рече д-р Патрик Асун, директор на Центарот за истражување на болка и третман во болницата „Андре-Мињот“ во Версај, кој се согласува со оваа теза.
„Морфинот во тешки случаи не успева да ги реши сите проблеми. Затоа, не треба да се занемарува психолошката и емоционалната компонента што може значително да ја ублажи болката кај пациентот. Всушност, кога пациентот е опкружен со пријатели, неговиот мозок ослободува невротрансмитери како ендорфин и серотонин, хормони кои влијаат на подобрување на расположението“ , објасни д-р Асун, цитирајќи студија на случај.
Бенџамен, 28-годишен спортист, на кого му беше оперирано десното колено, беше примен во болницата каде што работеше. Тој остана во болницата четири дена по операцијата. Каде цело време бил опкружен со пријатели и не земал лекови против болки.
„ Тие беа како шише со кислород за мене, поддршка да се опоравам што е можно поскоро. Нивното друштво ми помогна да не се фокусирам на болката, рече тој.
