Ма каков Безос, какви руски олигарси, ова е луксуз: Домот на Султанот на Брунеј е со 1.788 соби - НАЈГОЛЕМАТА ПАЛАТА ВО СВЕТОТ крие 7.000 скапи автомобили и 30 бенгалски тигри

Тој е најбогатиот владетел денес, а многумина дури и не го знаат неговото име. Доволно е да се каже - султанот на Брунеј. Тој е на тронот од 1967 година, што е завиден мандат. „Форбс“ вели дека тој моментално „вреди“ повеќе од 35 милијарди долари, а тоа не е сè - тој живее во најголемата кралска палата во светот, која го држи рекордот во Гинисовата книга повеќе од четири децении.

Султанот на Брунеј, чие целосно име е Хасанал Болкија Муиззадин Ваддаула, е најбогатиот владетел, а по смртта на кралицата Елизабета, тој го зазеде првото место на списокот на оние кои најдолго време се на престолот.

Тој има пет сина и седум ќерки со три сопруги, од минатата година, и 20 внуци. Меѓу другото, тој поседува над 7.000 луксузни автомобили, од кои 365 Ферари и 275 Ламборџини, а да не ги спомнуваме и другите.

Тој е сопственик и на сликата на Реноар „Две девојки на пијано“ за која платил 70 милиони долари. Да не ја заборавиме приватната зоолошка градина со 30 бенгалски тигри и егзотични птици, и три луксузни авиони - еден „боинг“ се „капе во злато“. Мегаломан во секоја смисла, поради што често има лоша репутација.

И покрај обвинувањата дека поради неговите хедонистички навики, тој често ги крши правилата, некои би рекле и човековите права, султанот од Брунеи ја донесе земјата на север од островот Борнео на листата на најбогатите на планетата. Тој можеби е контроверзен, но секако му се припишува заслугата за оживување на оваа мала азиска монархија.

За време на неговото владеење, била изградена најголемата кралска палата во светот, резиденцијата „Истана Нурул Иман“, преведена како „палата на светлината на верата“. Се наоѓа неколку километри југозападно од главниот град Бандар Сери Бегаван, на бреговите на реката Брунеи.

Палатата има 1.788 соби, 257 бањи, пет базени, 44 големи скали, 18 лифтови, 110 огромни гаражи во кои успеал да ги смести сите свои скапи играчки на четири тркала, потоа 564 кристални лустери, штали за 200 коњи кои се „специјални“ за поло, омилениот спорт на султанот... Исто така, има и огромна сала за банкети во која можат да се сместат 5.000 луѓе.

Зградата е мешавина од малајска и брунејска архитектура, со силни исламски влијанија. Посебна декорација е куполата од 22 -каратно злато и не помалку импресивната џамија што може да прими 1.500 верници.

Дизајнерот Куан Чу, кој го декорираше и ентериерот на хотелот „Бурџ ал Араб“ во Дубаи, се погрижи за позлатените детали во ентериерот. Дури и мијалниците во бањите се направени од скапоцен метал.

Најголемата кралска палата во светот не е отворена за јавноста. Секако, се користи за важни состаноци на највисоко ниво, а е отворен и за време на два големи исламски празници. Конечно, треба да споменеме дека работите чинеа околу 1,5 милијарди долари. Со оглед на годината на изградба, денес сигурно би било многу повеќе. 

Фото: Pinterest
Извор: Zena.blic.rs