Москва, ден потоа: Најсмртоносниот напад во Русија во последните 20 години, загинаа над 60 луѓе помеѓу кои 3 деца
Најмалку 60 луѓе загинаа во терористичкиот напад со крвопролевање во Крокус сити хол - истакнато концертно место во близина на Москва.
Ова е најсмртоносниот напад во Русија во речиси 20 години.
На местото на масовното пукање, истражителите работеле цела ноќ за да соберат докази, вклучително и оружје и муниција фрлени од вооружените напаѓачи.
Што се однесува до напаѓачите, руските официјални лица многу малку зборуваат за тоа кои биле - или каде се. Синоќа имаше индиции дека избегале и дека полицијата се обидува да ги лоцира и приведе.
Огранок на Исламска држава соопшти дека го извршила нападот, но официјална Москва се уште не го коментира тврдењето. За нападот се очекува да се обрати и претседателот Владимир Путин.
Во Москва и другите градови низ Русија утринава на електронските билборди беше прикажана запалена свеќа и зборот „Скорбим“ (жалиме).
Путин им посака оздравување на повредените во терористичкиот напад
Рускиот претседател Владимир Путин им посака оздравување на сите повредени во терористичкиот напад во Крокус и го пофали ангажманот на медицинскиот персонал, изјави руската вицепремиерка Татјана Голикова.
Голикова изјави за новинарите дека претставници на руската влада, вклучително и министерот за здравство Михаил Мурашко, го информирале Путин за здравствената состојба на повредените, на кои претседателот им посакал оздравување, пренесе ТАСС.
Да потсетиме, нападот се случи во 18 часот кога најмалку три лица во маскирни униформи упаднаа во концертната сала Крокус. Напаѓачите отвориле оган врз присутните цивили, а потоа фрлиле бомба која предизвикала голем пожар. На местото на настанот излегле припадници на итната помош, како и голем број специјалци кои влетале во зградата.
Руското Министерство за вонредни ситуации го објави списокот на хоспитализирани по терористичкиот напад Крокус, на кој според ажурираниот список има 107 лица.
Во исто време, Министерството за здравство за Московскиот округ соопшти дека 82 лица повредени во тој напад се сместени во московските болници.
Ажурираната листа на хоспитализирани е објавена на веб-страницата на Министерството за вонредни ситуации, повикувајќи се на податоци од Министерството за здравство за 09:00 часот по московско време, пренесе РИА Новости.
Според последните податоци, во терористичкиот напад на градското собрание Крокус загинале 60 лица, меѓу кои три деца.
Рускиот истражен комитет покрена кривична постапка во врска со терористичкиот напад.
Фото: Принтскрин
Извор: Euronews.rs
Москва, ден потоа: Најсмртоносниот напад во Русија во последните 20 години, загинаа над 60 луѓе помеѓу кои 3 деца