Најскапиот лек на светот чини богатство: Се конзумира еднаш во животот

Моментално има „наградна игра“ за сите оние кои не можат да си го дозволат овој лек

Лотаријата која светско ниво ја распиша швајцарската компанија Novartis е вредна 210 милиони долари, а во „наградната игра“ учествуваат болни деца. Победникот ќе го добие моментално најскапиот лек на светот Zolgensm за лечење на 'рбетната мускулна атрофија.

Во прашање е тешка наследна, неизлечлива невромускулаторна болест која има прогресивен карактер.

Имено, лекот за сега е регистриран само во САД, каде чини 2,1 милиони долари, додека регистрацијата во Европа се очекува за во јули и според некои информации, за европскиот пазар, цената на лекот треба да биде малку помала. Се зборува за износ помеѓу 1,5 и 1,7 милиони долари по доза.

Станува збор за тоа што компанијата AveXis, која ја купи Novartis и понатаму одлучува за начинот на дистрибуција на овој лек, па така „вишокот од 100 дози на лекот“ во однос на потребите на САД е насочен кон малите пациенти ширум светот.

Инаку не е реткост фармацевтските компании, кога станува збор за нови лекови, пред да се регистрираат во некоја држава да донираат одредена количина на т.н. доброволно подарување на лекот.