Не заборавајте: Ова треба да биде вашиот прв утрински ритуал

Секој човек има различни утрински ритуали. Што правите вие кога ќе ги отворите очите наутро?

Претпоставуваме дека повеќето од вас прво го земаат мобилниот телефон додека се уште се во кревет и веднаш варат кафе по утринската рутина за нега на кожата. Не е погрешно. Сепак, треба да вклучите мал ритуал за кој вашето тело ќе ви се заблагодари.

Првиот утрински ритуал треба да биде консумирање вода. Имено, нашето тело во текот на ноќта губи и до литар течност. Потењето за време на спиењето е здраво и помага да се регулира температурата на телото. Меѓутоа, поради ова, телото наутро е дехидрирано бидејќи со часови не внесуваме течности.

Првата работа што треба да ја направите наутро е да испиете чаша вода. Не само што веднаш ќе ја надоместите изгубената течност, туку и ќе го стимулирате варењето а со тоа и исфрлањето на токсините. Освен тоа, пиењето вода на празен стомак го буди организмот, а сите знаеме дека тоа ни е потребно наутро.