Оглас за вработување во Автоперална: Плата 660 евра на сметка, ручек од ресторан секој ден, но сопственикот има УСЛОВИ

Огласот за вработување во автоперална со плата од 660 евра е хит!

Огласот за вработување во автоперална со плата од 660 евра се споделува на интернет поради описот на сопственикот, кој очигледно е исфрустриран од претходните непријатни искуства - „Алергичен сум на доцнење и мрзеливост“! Сопственикот на пералната многу искрено напишал што сака, а што не од евентуален нов работник. Платата е 5.000 куни или околу 660 евра месечно, со пријавување од првиот ден и платена храна.

На една група на социјалните мрежи е објавен оглас за работа како автоперална во Далмација, со многу јасни критериуми - сопственикот не сака инфлуенсери, тиктокери, а наведе и на што е алергичен меѓу работниците!

„Барам нормално и сериозно машко лице кое сака да работи и да научи нешто попатно, да работи во автоперална и техничка служба во Кастел Камбеловац, не е комерцијална перална и нема убивање од работа. Не БАРАМ инфлуенсери, јутубери, тиктокери, алергичен сум на доцнења, мрзеливост, лаги и неисполнување на работните обврски.

Потребна е возачка дозвола Б категорија, платата е 5.000 куни на сметка и пријавување од прв ден. Работното време е од 8:30 до 16:30 часот, во недела нема работа и секоја втора сабота е слободна. По шест месеци имате одмор, а ручекот е обезбеден секој ден со достава од ресторанот“, напиша тој.

Фото: unsplash