По траектот од Крф, гори уште еден траект со екстра луксузна роба
По веста дека траект со скоро 200 луѓе гори кај островот Крф ( за среќа сите се евакуирани и нема жртви) уште една вест за огненини јазици кој го зафатија друг брод, овојпат преполн со скапа роба.
Голем товарен брод со илјадници возила од групацијата Volkswagen се запали во близина на Азорските острови во Атлантскиот Океан, објави „Блумберг“.
Според кореспонденцијата од Volkswagen во Соединетите Држави, на него има речиси 4.000 возила на групацијата.
Бродот по пожарот останал без екипаж и без курс по запалувањето.
Веста дојде во услови на тешкотии со кои веќе се соочува автомобилската индустрија и тековните проблеми со синџирот на снабдување, недостигот на работна сила и, пред сè, недостигот на полупроводници.
Според портпаролот на Porsche, Лук Вандезанде, компанијата проценува дека околу 1.100 нејзини возила биле меѓу оние на бродот Felicity Ace во моментот на пожарот. Според него, клиентите чии нарачки се погодени од несреќата ќе бидат информирани од дилерите на автомобили.
Ова не е прв пат производителот на автомобили да изгуби стока на море. Во 2019 година, товарниот брод Grande America се запали и потона со 2.000 луксузни автомобили, меѓу кои и Audi и Porsche.
На одборот на Felicity Ace имало и специјално нарачани и приспособени модели на Porsche за речиси 100.000 долари. Товарниот брод е со големина на приближно три фудбалски игралишта и патувал кон пристаништето во Дејвисвил, Род Ајленд, кога бил пријавен пожар на една од неговите товарни палуби.
Бродот ја напушти Германија пред една недела и требаше да пристигне во САД на 23 февруари.
