Пораснал во рушевини, а сега има толку пари што 10 следни генерации не мора да работат: По смртта нема да им остави ни цент на децата

Милионерот Дејв Фишвик, кој сам го стекнал богатството кое го поседува, пред неколку месеци откри дека има разлика што речиси целото свое богатство го подарува на општеството, а не на своите најблиски и идните генерации. Овој Британец е убеден дека неговите милиони би биле само товар за следната генерација и смета дека сите членови на неговото семејство треба да работат напорно за да заработат пари.

Самиот Фишвик пораснал во стара, трошна куќа која на крајот морала да биде урната. Го напуштил училиштето и запловил во претприемничките води, но без пари и квалификации. Најпрвин работел по три работни места дневно, потоа се занимавал и со препродажба на минибуси, а исклучително се збогатил во 2008 година по финансиската криза кога основал своја банка која им помага на локалните компании да напредуваат.

Неговата приказна, која докажува дека е можно да се издигне од кал до ѕвезда, го привлече интересот дури и на истакнати холивудски режисери. Во декември 2022 година, Нетфликс го објави филмот „Bank of Dave“ заснован на неговата животна приказна, а филмот доби пофалби и од публиката и од критичарите.

Here’s Rory Kinnear who plays me in The Bank of Dave Movie, “He looks more like me than I do!”#BankofDave @NetflixUK @Netflix pic.twitter.com/XtqRZ7w2tc

— Bank on Dave (@FishwickDavid) January 11, 2023

Овој 52-годишник сега искрено зборува дека сака да го искористи своето богатство за да им помогне на оние кои имаат потреба наместо да го троши на своето семејство.

Фишвик силно го поддржува ставот дека децата треба да работат напорно за да постигнат успех, истакнувајќи дека имал можност да запознае многу успешни луѓе кои толку многу ги разгалувале своите деца што престанале да ја разбираат вредноста на парите.

„Ќе дадам 99 отсто од моето богатство кога ќе умрам, без разлика кога ќе биде тоа. Се надевам дека дотогаш имам уште многу години да живеам“, рекол овој милионер, истакнувајќи дека му е грозно да замислува како идните 10 генерации на Fishweck би можеле да живеат удобно, без да станат од кревет наутро.

„Сакам да имаат цел и мотив да станат наутро“, додаде тој.

„Важно е да се има таа работна етика и мислам дека напорната работа е она што те доведува до точка да ја сретнеш среќата. Моите деца не секогаш се согласуваат со тоа, но сепак се добри деца“, заклучил тој.

Фото: Х- Твитер
Извор: Кurir.rs/