Преживеал сè за што пеел: Како Тома Здравковиќ за една вечер изгубил 40.000 евра?

Тома Здравковиќ е роден во 1938 година во Алексинац, во сиромашно семејство. Во детството немал многу – освен душа преполна со чувства, кои подоцна ги претвори во стихови.

Првата публика и разбирање ги пронаоѓа во кафана, а судбината му ја менува запознавањето со Силвана Арменулиќ. Таа го препознава неговиот талент и му ги отвора вратите кон музичкиот свет.

Бегал во алкохол и коцка. Иако бил голема ѕвезда, никогаш не живеел како класичен славеник – не носел скапи одела, не се возел во лимузини, често одел пеш.

Бил свој – ранлив, нежен, боем. Поголемиот дел од неговите песни се автобиографски, полни со емоции и кафанска душа, често за неузвратени љубови и болка.

Коцката му била бегство од реалноста. Велел: „Никогаш не сум пиел затоа што го сакам алкохолот...  Една ноќ добив на коцка околу 80 илјади марки и веќе следната ги изгубив.“

До 1972 година, ги потрошил сите заработени пари и се сели во Америка, а потоа и во Канада. Во Торонто, по четврти пат се оженил и покрај ќерка, добил и син – Александар.

Кога се вратил од Канада, повторно ја освоил публиката. Домот на синдикатите во Белград бил преполн 20 вечери по ред – луѓето доаѓале да слушаат не само пејач, туку човек кој го преживеал сето она за што пеел. Иако здравјето му било нарушено, не се откажувал од песната.

Починал на 30 септември 1991 година, сиромашен, тивко, без голема врева. Зад себе не оставил богатство, но оставил нешто многу повредно – песни, стихови и глас кој не се заборава.