Славното Рено 4 тргна на пат кон небото

Renault 4L е еден од најуспешните автомобили произведени од оваа француска компанија на сите времиња, со над осум милиони примероци произведени од 1961 до 1992 година, вклучувајќи го и оној за папата ...

За да го прослави 60-тиот роденден на славната линија, Renault ги здружи силите со дизајнерската фирма TheArsenale за да создаде 4L визија за иднината. Чевличето- како што го нарекуваат овој автомобил сега е студио за квадкоптери наречено Air4, додека неговото воведување од францускиот производител направи современиот свет да звучи како дистопија, а летечките машини се единственото решение. 

Air4 ја зема својата основна идеја од оригиналната, но модернизирана форма која се обидува да се претстави во новиот век. Телото на летечкиот чевел сега е целосно создадено од јаглеродни влакна, со LED фарови на предната страна, вклучувајќи вертикални сигнали на страничните делови на предната решетка. Линиите на овој модел се далеку помеки, позаоблени и поживи од квадратните што го красеа оригиналниот 4L.

Погонот на новиот летечки модел е овозможен со два пара пропелери, сместени од сите страни. Редизајнираното тело може да се спушти напред, така што пилотот лесно може да влезе во кокпитот. Компанијата го замислила овој концепт со моќни батерии од 90.000 mAh кои ќе му овозможат максимална хоризонтална брзина од 93,6 km/h, додека максималната висина на летот би била околу 700 метри.

Air4 ќе биде задолжен за исполнување на ветувањето за изградба на летечки автомобили кои ќе им овозможат на луѓето да ги набљудуваат од височина сите оние кои останале заглавени во сообраќајот на две, четири или повеќе тркала. Дополнително, пилотската дозвола е прилично скапа инвестиција, па повеќето луѓе веројатно не би можеле да ја добијат или да слетаат со ова чудо пред продавница или трговски центар. Едноставно, ова е само модел за изложување на разни настани, а француската марка нема намера да создаде Renault 4 што може да лета.

Air4 ќе биде изложен во музејот Atelier Renault во Шанзелизе, Париз, од 29 ноември до крајот на оваа година. Со него ќе има и многу важна верзија на моделот 4L, додека подоцна со летање Air4 ќе пристигне на настани во Мајами, Њујорк и Макао.