Тесла размислува да се прошири во Европа со компактен модел на автомобил

Американскиот производител на електрични возила „Тесла“ размислува да го прошири својот бизнис во Европа со компактен модел на автомобил што би бил насочен кон масовниот пазар, изјави извршниот директор Илон Маск.

„Веројатно би имало смисла во Европа да се направи компактен автомобил, можеби хечбек или нешто слично“, рече Маск на европската интернет-конференција за батерии организирана од германската влада.

Маск се возеше во Берлин во моделот „Х“ долг 5 метри. Му беше тешко да најде бесплатен паркинг

„Во САД, автомобилите се претежно поголеми затоа што Американците сакаат големи автомобили, додека во Европа тие се обично помали“, рече Маск, додавајќи дека има проблеми со паркирањето на неговиот пет метри долг „Тесла Модел Х“ во Берлин.

„Возев модел Х околу Берлин и имавме многу проблеми да најдеме паркинг за да застанеме“, откри тој.

Американскиот производител на автомобили во моментов нуди четири модели на автомобили, вклучувајќи ги седанот со средна големина „Model 3“ и  со средна големина „Model Y“.

Сите негови возила се за неколку десетици инчи подолги од Фолксваген Голф, европската референца за компактни седани.

За две години, компанијата има намера да го пласира електричниот камион „Cybertruck“ на глобалниот пазар.

Фото: EPA

Можеби ќе ве интересира:

Сите го знаеме Илон Маск, а ова е неговата мајка - супермодел, која сама одгледа три успешни деца