Три чудни сигнали: Ако ги чувствувате можеби сте прележале коронавирус
Престижното медицинско списание „Лансет“ ги објави збирните резултати од студиите за последиците од вирусот корона и ги наведе симптомите што излекуваните ги чувствуваат неколку недели, па дури и месеци подоцна.
Наведени се вкупно 9 симптоми кај испитаниците кои имале средна тешка и тешка клиничка слика и многу од нив имале потреба од хоспитализација. Три четвртини од нив имале најмалку еден од овие симптоми, дури шест месеци по акутната болест.
Дури 26 отсто од испитаниците имале проблеми со спиењето, несоница или потешкотии да заспијат. „Иронија“ на оваа болест е во фактот дека добриот и редовен сон е еден од начините телото да се опрорави поинфекцијата, а овие долгорочни симптоми тоа го забавуваат и му се сметаат.
Депресијата и анксиозноста се симптоми пријавени од 23 проценти од испитаниците.
„Ова е многу честа последица на хронични болести, бидејќи едно лице има впечаток дека телото го изневерило. Дека не може да предвиди што ќе се случи или да го препознае сопствениот организам. Се разбира, тоа предизвикува вознемиреност, слаба концентрација, проблеми со спиењето, кошмари и грижи. Болеста честопати не изолира од нашиот систем за поддршка, поради што се справуваме сами со овие чувства. Анксиозноста во тешки форми може да доведе до напади на паника“, вели Теса Милер, автор на “Што не те убива“.
Девет проценти од испитаниците чувствувале болка во зглобовите, што не е ретка појава кога се случуваат силни воспалителни процеси во телото.
„Воспалението го напаѓа зглобното ткиво, предизвикувајќи оток, задржување на течности, оштетување на мускулите и други проблеми“, објаснил ортопедскиот хирург д-р Кристофер Траверс.
Студиите вклучуваат и претходно познати симптоми, вклучувајќи мускулна слабост, брз замор, губење на воздухот или плитко дишење, чувство за мирис или опаѓање на косата, но се покажало дека трите симптоми се интересни бидејќи не биле пријавени од голем број од оние кого ја прележале короната. Бидејќи човештвото е во канџите на пандемијата веќе една година, но неговиот дефинитивен крај сè уште не е на повидок, не е исклучено друга листа на симптоми да и ’се придружи на оваа како што одминува времето.
Извор: Б92
