Три домашни состојки кои ќе ви помогнат да се ослободите од замаглените стакла во автомобилот

Есенските дождови, зимските утра и влажните летни вечери значат едно – борба со замаглените стакла во автомобилот. Овој проблем не само што ја намалува видливоста и ја зголемува опасноста на патот, туку создава и непријатна влага во кабината. 

Иако повеќето возачи веднаш го вклучуваат топлиот воздух или климата, тоа е само привремено решение. Вистинското решение е во елиминирањето на влагата, а не во нејзиното загревање.

Зошто се замаглуваат стаклата? Топлиот и влажен воздух во кабината се среќава со студената површина на стаклото и создава кондензација. Ако во возилото има мокри теписи, облека или снег на обувките – влагата се зголемува. Дури и остатоците од цигаретен чад создаваат тенок филм што ја поттикнува кондензацијата.

Три проверени трикови:

1. Пена за бричење – нанесете тенок слој на чисто стакло, потоа исполирајте со мека крпа. Создава заштитен филм што спречува замаглување неколку дена.

2. Мачкин песок или ориз – природни апсорбери на влага. Ставете мала количина во памучна чорапа под седиштето. Ефикасно го сушат воздухот и траат со недели.

3. Компир или солена вода – брзо решение во итни ситуации. Исечете компир и со него преминете преку стаклото или избришете со слаб солен раствор.

Правилна употреба на клима уредот:

Климата не е само за лето – таа е најефикасниот сушач на воздухот. Зимно време користете ја на ладен режим со вклучен компресор, насочете го воздухот кон стаклата, прво со внатрешна циркулација, а потоа со довод на свеж воздух.

Превенција:

Редовно сушете ги теписите, проверувајте го филтерот на кабината и заптивките на вратите.

Со овие едноставни чекори, стаклата ќе останат чисти, а вашата зимска и дождлива возачка рутина многу побезбедна и попријатна.