Валкани трикови при продажба на автомобили: Внимавајте да не ви подметнат нешто

Еден од тие моменти е кога мислите дека користен автомобил што планирате да го купите бил удрен.

Тешко е да се направи автомобил кој бил удрен да изгледа добро, но тоа не ги спречува да се обидат многу продавачи. За среќа, има неколку работи на автомобилот што ќе ви кажат веднаш дека нешто не е во ред, без оглед колку е тешко некој да се обиде да скрие.

Боја на чудни места

Дилерите кои сакаат да ве измамат, во брзање ќе сторат сé што можат за да ги сокријат проблемите со лим, но заради таа брзина, тие ќе остават зад себе јасни индиции дека е удрен автомобилот. Ако бојата на одредено место не одговара на сјајот и текстурата на бојата на остатокот од автомобилот, продавачот мора да крие нешто.

Обратете посебно внимание на бојата околу шарките и браниците на вратата, бидејќи овие се места каде за префарбувње треба повеќе време и пари. Ако најдете различни бои на возилото, секогаш прашајте го продавачот зошто се таму. Во случај да не добиете одговор што го сакате, не купувајте автомобил.

Деловите не се совпаѓаат

Панелите на вратите, браниците и капакот на трупот треба да бидат совршено усогласени со автомобилот и сите празнини треба да бидат еднакви и пропорционални едни на други. Ако најдете некој дел што не одговара или не е усогласен со остатокот од автомобилот, обратете посебно внимание на тој дел. Ако нешто не изгледа како што треба, тогаш има причина.

Напукнато стакло

Пукнатините на шофершајбната, особено ако се во агол и личат на пајакова мрежа, можат да бидат јасен знак дека автомобилот бил вклучен во судир. Без оглед на причината, ова е сериозен проблем што треба веднаш да се реши.

Фарови

Скоро сите модерни фарови се изработени од пластика. И додека тоа заштедува тежина, сега имаме се повеќе и повеќе заматени „очи“ на патиштата. Ако го гледате возилото, а едната предна светлина е појасна и почиста од другата, што е жолта и маглива, внимавајте бидејќи тоа може да укаже на тоа дека автомобилот бил во судир. Во тој случај, подигнете јахаубата и видете дали има други траги од судирот.

Проверете ги гумите

За ова треба да се спуштите на колена. Ако шарата изгледа нерамна, причина за тоа може да биде штета која ја претрпела на шасијата. И кога сте таму, проверете го дното на автомобилот. Било какви промени во шасијата што се оддалечуваат од остатокот, може да бидат знак за брзо прикривање за проблем.