Влегол во мртовечница и му го отсекол увото на покојниот брат - Кога бил фатен од полицијата имал бизарно објаснување: „Немав друга опција“

Австралиските медиуми се занимаваат со бизарна приказна од 2022 година, која една година подоцна доби и судски епилог. Џијан Зонг Ли од Сиднеј беше осуден поради отсекување на дел од увото на неговиот покоен брат Џијан Минг Ли на денот на неговиот погреб.

Минг Ли почина на 58-годишна возраст од болест на белите дробови, а неговиот брат се сомневаше дека синот на починатиот, Ченг Џанг Ли, е роден вонбрачно.

Доколку се докаже дека е вистина, младиот човек нема да има право на наследство, кое вклучуваше куќа од милион долари во предградието на Сиднеј, Петершам.

Зонг Ли се согласи да ја каже својата верзија за ТВ-шоуто „A Current Affair“.

„Брат ми не остави валиден тестамент. Го замолив Ченг да направи ДНК тест, но тој не се согласи. Затоа почувствував обврска да ги земам работите во свои раце“, објасни тој.

Тој тврди дека погребниот директор одбил барање да земе примерок од кожа или коса од починатиот.

„Немав избор, неколку часа подоцна ќе биде кремиран. Влегов внатре со мојот син и отсеков парче од увото“, рече тој.

Братот додава дека нивната мајка (91) требало да го добие наследството, бидејќи е во лоша материјална состојба.

Парче од увото го ставил во пластична кеса, па во стаклен сад, а потоа во фрижидер, пишува Daily Star.

Дури кога се обидел да добие потпис од погребалното претпријатие „примерокот бил легитимен“ бил откриен неговиот план. Надлежната служба веднаш ги известила роднините на починатиот.

Полицајците подоцна дошле во станот на Зонг Ли и пронашле дел од увото во фрижидерот. Тој го признал она што го направил во судот во Бурвуд и беше казнет со 1.500 долари.

Подоцна беше откриено дека Ченг е легитимен син на покојниот Џијан Минг Ли.