Заштитете ја простатата во неколку клучни чекори: Обратете внимание!

Следете ги чекорите за превенција и избегнувајте посериозни проблеми со простатата.

Иако е мала на големина, простатата може да предизвика големи проблеми. Оваа жлезда, со големина на орев, е дел од уринарниот и репродуктивен систем. Не е невообичаено мажите да страдаат од проблеми со простатата, особено кога стареат. Всушност, возраста е еден од најголемите фактори на ризик за некои болести, вклучително и зголемена простата, како и рак на простата.

Постојат релативно едноставни чекори што може да ги преземете за да ја одржите здравата простата и со тоа да го намалите ризикот од создавање сериозни проблеми:

1. Започнете со вежбање

Дневната рутина од најмалку 30 минути физичка активност може да помогне да се намали ризикот од заболување на простатата за 10 до 30%. Активноста може да помогне во стабилизирањето на нивото на хормоните, што, кога се покачува, на крајот може да доведе до карцином на простата. Вежбањето исто така помага во одржување на здрава тежина. Физичката активност е важна затоа што постои докажана врска помеѓу дебелината и болеста на простатата.

2. Обезбедете соодветно внесување на цинк

Цинкот ја штити простатата. Не само што го спречува проширувањето на простатата, туку може да помогне и да се намали простатата, која веќе е отечена. Бидете сигурни дека ја добивате препорачаната дневна доза цинк од 15 милиграми на ден, или надоместете го недостаток на цинк со земање додатоци на цинк. Некои од производите богати со цинк се семки од тиква, морска храна, ореви и грав.

3. Јадете повеќе сос од домати

Истражувањата покажаа дека конзумирањето на големи количини варени или преработени производи од домати - вклучително природни домати, сос во шпагети или кечап - е поврзано со намален ризик од карцином на простата. Ликопен е моќен антиоксидант кој им дава на доматите црвена боја, а студиите покажаа дека ризикот од развој на рак на простата, особено агресивен карцином на простата, се намалува со зголемување на нивото на ликопен во крвта.

4. Не земајте прекумерни количини на селен или витамин Е

Студиите покажаа дека зголемениот внес на селен или витамин Е може значително да го зголеми ризикот од рак на простата. Прекумереното земање на додатоци на селен може речиси да го удвои ризикот од агресивен карцином на простата, ако веќе имате голема концентрација на селен во вашето тело. Земањето на додатоци на витамин Е може повеќе од двојно да го зголеми ризикот од рак на простата ако имате мала концентрација на селен во вашето тело. Затоа, внимавајте на количините кога станува збор за овие витамини и минерали.

5. Намалете ги мастите во исхраната 

Исхраната богата со маснотии може да предизвика организмот да произведува помалку антиоксиданти, што е неопходно за одржување на здрава простата. Одлучете се главно за протеини како пилешко и риба, наместо да консумирате големи количини црвено месо. Но, внимавајте: пржењето во масло или печење може да ја загрози состојбата на простатата. Обидете се повеќе да вклучите варијанти на задушено или варено месо.

6. Имајте редовни превентивни прегледи

Повеќето од симптомите на карцином на простата се „тивки“, што значи дека нема јасни симптоми сè додека не напредува во напредна фаза. Значи, дури и ако немате симптоми на проблеми со простатата, важно е да имате редовни физички прегледи за да ја проверите состојбата на простатата. Особено мажите со семејна историја на рак на простата треба да го започнат прегледот уште на возраст од 40 години. Потемни мажи, исто така, имаат поголем ризик и треба да започнат со прегледи на возраст од 40 години, додека посветлите мажи, без семејна историја на карцином на простата, треба да започнат со прегледи на возраст од 50 години.

Грижете се за здравјето на вашата простата навреме!

извор:africkasljiva/blog