ЗОШТО БИТКОИНОТ СТРМОГЛАВО ПАЃА: Откриени две клучни причини

За разлика од почетокот на минатата година, стартот оваа година не беше особено погоден за најпознатата криптовалута во светот.

Имено, коментарите и најавите поврзани со ФЕД започнаа со продажба на светските берзи, а таа се прелеа и на крипто-пазарот. Така, биткоинот падна на тримесечен минимум во петокот, поради загриженоста поради заострувањето на монетарната политика на САД, како и исклучувањето на интернетот во Казахстан, пренесува Телеграф Бизнис.

Таа земја е, инаку, вториот најголем центар за „копање“ биткоин во светот.

Според Coin Metrics, цената на популарната дигитална монета падна под границата од 41.000 долари на 40.749,90 долари. Така, достигнато е најниското ниво од 29 септември.

За потсетување, биткоинот последен пат падна за 2,9 отсто, на 41.947,75 долари.

Како што веќе споменавме, падот на биткоинот започна на почетокот на минатата недела, откако во записникот од состанокот на Федералните резерви во декември беше посочено дека американската централна банка ќе го повлече својот стимул од ерата на пандемијата, пренесува Телеграф Бизнис.

Биткоинот често се опишува како средство кое не е поврзано со традиционалните финансиски пазари, иако експертите забележуваат се поизразени паралели во движењето на биткоинот и цените на акциите.

извор: блиц.рс