10 најбогати семејства во светот за 2020 година: Тие ги поседуваат најголемите светски брендови

Неодамна на веб-порталот Блумберг беше објавена листа на најбогати семејства во светот во 2020 година.

На чело е семејството Волтон, кое вреди дури 215 милијарди долари. Богатството на ова семејство доаѓа од сопственоста на компанијата Walmart, специјализирана за малопродажба, која поседува дури 11.000 продавници ширум светот.

Второ на списокот е семејството Марс, кое е сопственик на истоимената компанија Mars, позната за сите гурмани. Интересно е што тие заработија дел од своето богатство вредно 120 милијарди долари, благодарение на неколку популарни брендови храна за кучиња.

Семејството Коук е трето, со богатство од 109,7 милијарди долари. Имаат голем конгломерат на Кох Индустри, кој е многу активен во енергетските, хемиските, финансиските и другите економски полиња.

Четврто на списокот на најбогати семејства е кралската династија на Ал Сауд од Саудиска Арабија, со богатство од 95 милијарди долари, додека петто на списокот е индиското семејство Амбани (81,3 милијарди долари), кое е во сопственост на корпорацијата Reliance Industries.

Две француски семејства го заземаат шестото и седмото место. Станува збор за семејството Дима (63,9 милијарди долари), кое е сопственик на модната марка Ермес и семејството Вертхајмер (54,4 милијарди долари), кое е сопственик на модната марка Шанел.

Американското семејство Џонсон вреди 46,3 милијарди долари благодарение на нивниот инвестициски фонд „Фиделити инвестментс“ и се наоѓа на осмото место на листата.

Фармацевтската компанија Boehringer Ingelheim е во сопственост на семејството Берингер и семејството Фон Баумбах, кои се обединија по бракот на Ерих Фон Баумбах со ќерката на тогашниот сопственик на компанијата, Алберт Берингер помладиот. Овие семејства заедно имаат 45,7 милијарди долари, што ги става на деветтото место на списокот на Блумберг. 

Семејството Албрехт од Германија е десетто со богатство од 41 милијарда долари. Алберехт е сопственик на многу успешен трговски ланец Алди.