АЛКОХОЛ, ЦИГАРИ, ЈАЈЦА И СЕКС: Дали можеме да ги консумираме пред вакцината и колку време по вакцинирањето?

Д-р Миланко Шеклер одговори на прашањата за кои луѓето најмногу се интересираат

Д-р Миланко Шеклер, доктор по ветеринарни науки од Институтот за ветеринарство во Краљево, првиот што го прочита геномот на коронавирусот со својот тим, беше гостин на утринската програма на ТВ Прва и објасни уште неколку дилеми за коронавирусот и вакцинацијата.

Д-р Шеклер неодамна ја прими првата доза на вакцината, а како да се однесуваме после тоа, д-р Шеклер вели:

- Се однесувам исто како и во претходните десет месеци. Целиот Институт е вакциниран и ние сè уште се придржуваме на сите мерки што се во сила досега - вели д-р Шеклер и објаснува што е важно по вакцинирањето:

- Секој треба да се однесува како и обично, да не создава некои стресови што ги немал порано - додава дека ако некој бил физички активен претходно, може да продолжи да тренира, но и дека не мора сега да започнува со спорт.

Кога вакцинираните ќе можат да се ослободат од заштитните маски?

- Податоците велат една недела, јас велам барем сите недели по втората вакцина. Тогаш нивото на антитела треба да биде близу до тоа платото - вели тој и објаснува дека со сите вакцини постои можност лицето кое е имуно да биде носител на вирусот, дека тоа не е случај само со вакцината за ковид-19.

А, дали е вистина дека не треба да се јадат јајца и млечни производи ден пред вакцинацијата, и дека внесувањето алкохол не се препорачува 12 часа по вакцинацијата, тој одговори:

- Порано се користеа вакцини на ембриони од пилешко, т.е. на пилешко старо 8-10 дена и кое е во јајце-клетката, тие вакцини содржаа јајца во нивниот состав, а луѓето кои се алергични на нив не смееле да ги примаат. Ова е стар метод и не се однесува на овие вакцини. А што се однесува до алкохолот - како порано. Умерена консумација, не може да се каже дека е забрането, но и не треба две недели да не излезете од кафулето - вели тој низ смеа.

А, дали голем физички напор, некои вклучуваат и водење љубов, може да ја намали ефикасноста на вакцината, д-р Шекелр вели:

- Ако имате физичка активност што не сте ја имале порано, на пример сега копате канали - да, тоа може да ја намали ефикасноста. Но, ако имате вообичаени активности како порано, нешто што правите секоја недела и водењето љубов со некого, тогаш тој не мора да ја намалува таа физичка активност. Ако некој го прави тоа еднаш годишно, тогаш тоа е друга приказна - објаснува тој повторно, низ смеа.

Фото: Youtube/screenshoot/Portal Krug

Можеби ќе ве интересира: