Чудесно откритие во Ерусалим: Одамна заборавената „плоча“ во црквата на Светиот гроб открива стари тајни

Откриената плоча во црквата на Светиот гроб во Ерусалим, со својата орнаментика, ги наведе научниците да заклучат дека дошле до важно откритие, кое носи посебна симболика за христијаните.

Потпрена на ѕидот во задниот ходник на ерусалимската црква на Светиот гроб, имаше камена плоча на која аџиите врежаа нешто со векови, за да остават свој белег на ова, за христијаните, свето место.

Но, каменот со димензии 2,5 х 1,5 м, ја покажал својата вистинска важност кога при неодамнешните работи во црквата била откриена нејзината друга страна, јавуваат локалните медиуми.

Истражувачите веруваат дека сложените орнаменти пронајдени на досега скриениот дел од плочата укажуваат на тоа дека некогаш била предниот дел на висок олтар од средниот век. Плочата стои со векови на едно од најсветите места за христијаните.

„Сега не може да се види, но гравурите првично биле исполнети со парчиња фин мермер и стакло“, рече Амит Рим, археолог од Ерусалим од израелската управа за антиквитети.

„Беше неверојатно, што го прави навистина посебен артефакт“, рече Амит, кој го предводеше истражувањето заедно со Илја Берковиќ од Австриската академија на науките.

Тие идентификуваа уникатен метод на украсување како „космички“, кој ги комбинира класичната, византиската и раната исламска уметност и во кој фино исечените шарени мермерни плочки се користат за пополнување на кружни гравури на камен.

„Камена плоча стоеше на олтарот на црквата (Светиот гроб)“, објасни Рим. „Очите на верниците и аџиите беа насочени кон оваа плоча, додека свештениците служеа литургија веднаш над неа“, додаде тој.

Слично украсени жртвеници биле пронајдени во римските цркви од 12 и 13 век.

Експертите веруваат дека реликвијата во Ерусалим временски соодветствуваат со претходните археолошки наоди и извештаи за аџии од периодот на осветувањето на црквата од страна на крстоносците и формирањето на нејзиниот главен олтар во текот на 1149 година.

Олтарот го користел католичкото свештенство за време на мисата, додека крстоносците не го напуштиле Ерусалим, соопшти Рим. Подоцна бил користен од Грчката православна црква додека не бил оштетен во пожар во 1808 година. До неодамнешното реновирање, камената плоча беше заборавена.

Наодите кои се откриени од страна на израелското истражувачко друштво треба да бидат објавени до крајот на годината.

Фото: Профимедиа

Видео: Youtube

Извор: nationalgeographic.rs