Дали ќе нè изеде сиромаштијата: Зголемени цените на угостителските услуги

Ако продолжи трендот на зголемување на цените во секој сектор, Македонија ќе стигне на работ од голема сиромаштија. И никој не се одважи да каже или да вети дека тоа може да се измени. Како што растат цените на горивото , така растат цените на храната, а со тоа и цените во угостителскиот сектор.

Кумулативниот индекс на цените на угостителските услуги за периодот јануари – јули 2022 година е зголемен за 8,9 отсто во однос на истиот период лани, додека во однос на декември 2021-ва бележи раст од 7,2 процента.

Според Државниот завод за статистика, индексот на цените на угостителските услуги во јули 2022 година е зголемен за 4,2 отсто во однос на претходниот месец. Споредено по групи на услуги, зголемување е забележано во групите Храна за 6,4 проценти и Ноќевања за 0,2 отсто.

Индексот на цените на угостителските услуги во јули 2022 година во однос на истиот месец лани е зголемен за 15,9 отсто.