Дарко Велковски: Саудиска Арабија е вистински предизвик за нашата селекција

Македонија ја очекува дуел со Саудиска Арабија во Абу Даби, тест средба на која селекторот Благоја Милевски ќе ги провери силите од домашното првенство.

Еден од ретките во тимот кој има статус на играч кој доаѓа од странски клуб а ќе игра на оваа средба, стандардниот дефанзивец во одбраната, Дарко Велковски смета дека е ова добра шанса за проверка на капацитетот на овие играчи.

„Околностите се малку поинакви од вообичаените на кои сме навикнати. Со некои од фудбалерите прв пат сме заедно, но тренираме добро. Тест натпреварот со Саудиска Арабија ќе биде вистински предизвик за оваа селекција. Противникот заврши прв во групата во Азија за пласман на Светското првенство и навистина ќе биде тежок натпревар, пред сè на физички план, бидејќи некои од нас сè уште се адаптираат на временските услови во Абу Даби. Работиме да анализа на противникот, имаме уште неколку заеднички тренинзи и се надевам дека одлично ќе одговориме на овој предизвик. Не се сомневам дека тактички ќе бидеме на високо ниво, стручниот штаб посветува големо внимание на тој дел од нашата игра за секој натпревар. Сметам дека ќе бидеме подготвени за добар натпревар“, рече Велковски.