ФОТО: Македонија против Англија на гости на легендарниот стадион каде нема пораз

Македонската фудбалска репрезентација ја доби Англија за противник во ЕУРО 2024 квалификацискиот циклус.

Англија објави каде ќе ги игра средбите, а со Македонија ќе игра на легендарниот „Олд Трафорд“, стадионот каде игра Манчестер Јунајтед.

Средбата меѓу Англија и Македонија се игра на 19 јуни 2023 година, потврди англиската Фудбалска асоцијација.

Останатите средби од групата Англија ќе ги одигра на „Вембли“, а само Македонија на „Театарот на соништата“.

Македонија по вторпат ќе игра на „Олд Трафорд“, претходно  игравме во октомври 2006 година,  средбата заврши со  0-0.