И додека светот чека бел чад од Ватикан: 10 изненадувачки факти за папските конклави- тие гладуваат
По смртта на папата Франциск на 21 април, католиците ширум светот тагуваа додека стотици илјади луѓе се собраа во Рим, заедно со светски лидери и политички фигури, на погребот на Папата.
Сега, Католичката црква мора да одлучи кој ќе го наследи покојниот папа Франциск. Оваа изборна постапка е една од најтајните и најзначајните за Ватикан. Денес, кардиналите веќе влегуваат во Систинската капела за да го изберат следниот поглавар на Католичката црква.
133 кардинали ќе учествуваат во приватниот изборен процес – наречен конклава – каде е потребно двотретинско мнозинство за да се избере нов папа.
Еве десет изненадувачки и интересни факти за папските конклави:
1. Најдолгата конклава траела речиси три години
Нема временско ограничување за колку долго може да трае конклава. На првиот ден се одржува едно гласање, а потоа по две гласања наутро и две попладне.
Ако по три дена сè уште нема одлука, дозволена е пауза до еден ден за молитва и разговори.
Најдолгата конклава се случила во 1268 година по смртта на папата Климент IV и траела 1.006 дена, сè до изборот на папата Григориј X.
2. Кардиналите ќе бидат на строга диета за да се спречи тајна комуникација
Во минатото, пораки биле криено внесувани во храна за да се влијае врз изборот. Затоа се забранети храни како питите, пилешко месо и одреден прибор. Сестрите ќе подготвуваат едноставна локална храна, но најдобро е да се гладува.
3. Димот ќе го извести светот кога ќе биде избран нов папа
По секое гласање, ливчињата се палат. Црн дим значи нема избран папа. Бел дим означува дека е избран нов папа.
4. Конклавата привлекува стотици илјади посетители во Рим
Очекувањата се дека стотици илјади луѓе ќе пристигнат во Рим. Само од САД, пребарувањата за летови пораснале за 345%, а од Мексико за 1000%.
5. Новиот папа не мора да биде кардинал
Иако сите последни папи биле кардинали, тоа не е услов. Последниот папа кој не бил кардинал пред изборот бил Урбан VI во 1378 година.
6. „Конклава“ потекнува од латинскиот „cum clave“
По долгата конклава од 1268–1271, папата Григориј X одредил кардиналите да бидат заклучени во изолација – „со клуч“ – додека не изберат нов папа. Така настанал терминот „конклава“.
7. Конклавата не секогаш се одржувала во Систинската капела
Иако од 1878 година сите конклави се таму, првата се одржала во 1492 година. Претходно, некои биле одржани надвор од Рим – дури и во Франција и Германија.
8. Само кардинали под 80 години можат да гласаат
Од 252 активни кардинали, само 135 се под 80 и имаат право на глас. На конклавата на 7 мај ќе учествуваат 133.
9. Кардиналите можат да изберат да не учествуваат
Кардиналот Анджело Бечиу (76) објави дека нема да учествува, поради осудата за проневера во 2023 година. Иако тврди дека е невин, самиот папа Франциск го разреши од функциите.
10. Конклавите инспирирале книги и филмови
Филмот Conclave од 2024 година (базиран на роман од 2016) ја прикажува измислената смрт на папа и последователната конклава. По смртта на папата Франциск, гледаноста порасна за 283%.
Филмот The Two Popes од 2019 година исто така доживеа голем пораст во гледаност – 417%.
