Маск предупредува: Ова ќе ја уништи планетата, а не глобалното затоплување - запомнете ги моите зборови

фото:Profimedia

Треба да ги редефинираме приоритетите, а на врвот на листата да биде прашањето за населението

Илон Маск е ко-основач на Tesla, компанија чија цел е да помогне во изградбата на одржлив свет.

„Тесла треба да го заштити животот на Земјата, SpaceX да го продолжи животот подалеку“, рече најбогатиот човек на светот за мисијата на неговите две познати компании на 15 јули. Технолошкиот тајкун во 2021 година престана да купува автомобили Тесла со биткоини, откако активисти му кажаа дека потребна е многу електрична енергија за да се потврди валидноста на трансакциите (Proof-of-Work) направени со криптовалута.

Сепак, милијардерот смета дека денес постои приоритетен, дури и многу поважен проблем од глобалното затоплување. Тој проблем е намалувањето на светската популација, феномен кој особено ги погодува земјите од северната хемисфера и Кина.

„Колапсот на населението поради нискиот наталитет е многу поголем ризик за цивилизацијата отколку глобалното затоплување“, напиша неодамна Маск на Твитер. За да покаже дека е сериозен, додаде: „Запомнете ги овие мои зборови“.

А за да ја нагласи итноста на депопулација на западните земји, кои моментално го произведуваат најголемиот дел од богатството на нашиот свет, Маск сака да потсети дека сè уште го смета глобалното затоплување голем и клучен проблем за планетата. Се чини дека сугерира дека тоа е повеќе прашање на приоритет. Во основа, мораме да ги редефинираме приоритетите, а на врвот на листата треба да биде прашањето за бројот на жители, смета основачот на Тесла.

„А секако мислам дека глобалното затоплување е голем ризик“, додаде Маск