Маж води двоен живот: Имам девојка и жена, уморен сум од овој НАЧИН НА ЖИВОТ

Еден 45-годишен маж бара совет од психотерапевт.

- Јас сум истоштен 45-годишен човек кој живее во целосна лага. Оваа година мора да биде поинаква за мене. Водам двоен живот, во текот на неделата живеам со мојата девојка и нашите два сина, на возраст од три и две години, а секој втор викенд ги посетувам сопругата и нашата десетгодишна ќерка. Јас сум под голем стрес затоа што никој не ја знае вистината - напиша еден човек за „The Sun“, кој побара стручен совет од психотерапевт.

Тој вели дека е во несреќен брак веќе 15 години, но дека и двајцата потекнуваат од култура во која разводот е неприфатлив и скоро невозможен. На самиот почеток на бракот сфатиле дека имаат големи проблеми. Мислеле дека детето ќе им помогне, но тоа не било така. Потоа нашол работа на 320 километри оддалеченост за да ги смири тензиите во домот.

- Бев осамен во текот на неделата, па започнав да запознавам девојки на Интернет. Запознав неверојатна жена која ми роди син, и почнав да живеам со неа. Таа мисли дека се разведувам од жена ми. Се чувствувам заробено во лага. Треба ли да се разведам од сопругата и да ризикувам да ме напушти семејството?, прашал човекот.

- Некој ќе биде повреден без оглед што ќе одлучите, но тајните во семејството секогаш се откриваат. Вашата ќерка ќе ја почувствува напнатоста помеѓу вас и нејзината мајка, а за децата е поштетно да гледаат како нивните родители остануваат во токсична врска. Ако вие и вашата сопруга можете пријателски да се разведете, и двајцата имате шанса да најдете среќа. Одвојте момент да и кажете на сопругата дека работите не можат да продолжат вака. Тогаш конечно ќе можете да и признаете сè на вашата девојка и да продолжите да живеете со неа - му одговори психотерапевтот.

Можеби ќе ве интересира: