МЗТ Скопје го пречекува Морнар, бара втора победа во АБА лигата

МЗТ Скопје Аеродром вечерва ги очекува исклучително важен натпревар и тоа против Морнар  (18 часот) во меч од 6. коло во АБА лигата.

Македонскиот шампион најавува голема борба за  втората победа во ова регионално  натпреварување.

Морнар е во серија со три порази во низа, што треба да донесе дополнително внимание кај избраниците на тренерот Александар Петровиќ со оглед што ранетиот лав секогаш е најопасен. 

МЗТ Скопје се надева дека ќе   повтори играта како против Дерби , за да стигне до посакуваниот успех.

 Адем Мекиќ првпат ќе биде во составот за меч од регионалното натпреварување како дополнителен квалитет во ротацијата, во која во голем број се очекува да биде и нашиот најдобар шести играч – верните навивачи.

Билетите за  дуелот против Морнар се веќе во продажба и тоа со цена од по 150 денари за блоковите 5, 6, А2, А3 и А6, додека за сите останати места во салата таа изнесува по 100 денари. Влезниците може да се купат онлајн на www.karti.com.mk и www.mktickets.mk, преку продажните места на МК Тикетс, како и на билетарницата пред арената во населба Аеродром (10-18 часот).