НИКОГАШ НЕ ГИ ОТКРИВАЈТЕ ОВИЕ РАБОТИ ЗА СЕБЕ НА РАБОТА: Проблеми со кои сите се соочуваме

Споделувањето на „вистинските работи“ за себе на вистински начин, на работа, е речиси уметност. Нешто што ќе го откриете за да изградите одредена врска може веднаш да стане едноставно глупаво и да го направи токму спротивното. 

Ова се работи кои не треба да ги откривате за себе на работа.

Проблемот е што не можете да изградите добра професионална мрежа ако не се „отворите“ пред колегите. Од друга страна, тоа може да биде лошо бидејќи откривањето на погрешни работи може многу лошо да влијае на вашата кариера. Треба да знаете каде е границата, бидејќи кога еднаш ќе ја поминете, нема враќање назад.

Истражувањата покажуваат дека 90 отсто од луѓето на водечките позиции во компаниите имаат високо ниво на емоционална интелигенција и тоа им овозможува да знаат што треба да дознаат за себе и кога. Тие знаат дека следниве работи за себе никогаш не треба да се откриваат на работа:

Политичко убедување

Политичките убедувања на луѓето се премногу врзани за нивниот идентитет за да се разговара без опозиција. Ако не се согласувате со нивните ставови, тоа може многу брзо да ја промени перцепцијата што ја имаат за вас. Спротивставувањето на нечии основни вредности е една од работите што најмногу може да ги навреди.

Мислење дека некој е неспособен

Секогаш во секоја работа ќе има некој што не е доволно компетентен, а главно сите се свесни за кого се работи. Ако немате моќ да помогнете на таа личност да научи некоја работа или да ја отпуштите, нема да постигнете ништо со тоа што ќе зборувате за недостаток на компетентност. Ова може да создаде само негативно мислење кај колегите за вас.

Колку пари заработувате

Можеби вашите родители сакаат да слушнат колку пари заработувате секој месец, но на работа, таквото знаење може да биде само негативно. Штом сите ќе дознаат колкава ви е платата, преку неа ќе се набљудува се што правите.

Дека си ја мразиш работата

Последното нешто што луѓето сакаат да го слушнат на работното место е колку некому не му се допаѓа она што го работи. Ако се жалите на работа, ќе ве карактеризираат како негативна личност која не е тимски играч, а шефовите знаат дека има ентузијасти кои „едвај чекаат“ на таа работа.

Дека барате друга работа

Ако кажете дека планирате да ја напуштите работата, оттогаш ќе се однесуваат со вас како да им „губите време“ на сите. Исто така, постојат добри шанси вашето барање да не успее. Најдобро е да почекате да најдете нова работа, а потоа да објавите.

Како сте се однесувале порано (колку „диви“ сте биле)

Вашето минато може да каже многу за вас. Некое однесување се смета за типично за студентските денови, но треба да знаете каде да ја повлечете линијата, за да не создадете негативна слика за себе.