Оваа држава постои, а не постои: Имаат пасош кој ништо не им вреди
Придњестровска Молдавска република е „скриена“ меѓу Молдавија и Украина, а Русија и‘ гарантира за нејзиниот мир и стабилност.
Придњестровска, како што се нарекува, е независна, но непризнаена земја на територијата на Молдавија. Освен тоа, се граничи само со Украина. Ниту една членка на ООН не ја признава независноста. Покрај тоа, сите три земји што имаат официјални дипломатски односи со неа се самите непризнати - Абхазија, Јужна Осетија (двете во Грузија) и Република Нагорно-Карабах (Азербејџан).
Прогласи независност во 1990 година, една година пред распадот на Советскиот Сојуз. Според резултатите од пописот во 2015 година, трите најголеми етнички групи, Руси, Молдавци и Украинци, се скоро подеднакво застапени во однос на бројот, но Русите сепак водат со еден процент (34 проценти).
Главниот град на оваа сиромашна земја, една од најсиромашните во Европа, е Тираспол, со население од околу 130.000, додека самата република има скоро половина милион жители.
Се наоѓа на околу 70 км од молдавскиот главен град Кишињев, на источниот брег на Днестар. Урбаната архитектура е толку многу во духот на СССР што се чини дека Тираспол станал заглавен во време што исчезна пред 30 години и повеќе.
Во центарот на градот е плоштадот Суворов, каде секоја година се одржува парада за Денот на независноста, а една од знаменитостите е големата статуа на Ленин, сместена пред зградата на парламентот.
Мотивот за барање независност беше растечкиот национализам во Молдавија кон крајот на осумдесеттите, и укинување на рускиот јазик во службена употреба. Вооружен конфликт избувна во март 1992 година, кој заврши во јули истата година, при што загинаа илјадници луѓе. Оттогаш, областа е во мир, како одраз на финансирање од Русија. Рускиот е официјален јазик сега и голем број луѓе ја сметаат Русија како своја земја.
Сепак, нивниот пасош е бескорисен затоа што не го признава ниту една членка на ООН. И покрај овој факт, населението не е заглавено во границите на својата татковина, бидејќи повеќето од нив имаат двојно или тројно државјанство на Русија, Молдавија или Украина.
