Perplexity Pro – една од најнапредните AI алатки за пребарување, достапна бесплатно една година за сите Телеком корисници

Сите корисници на Македонски Телеком отсега ќе можат да ја користат Perplexity AI, една од најнапредните алатки за пребарување базирана на вештачка интелигенција без дополнителен надомест во период од една година. Алатката може да се активира преку Magenta Moments, до крајот на јануари, 2025 година.

Што е Perplexity

Perplexity AI е софистицирана алатка базирана на вештачка интелигенција, дизајнирана да обезбеди брзи, прецизни и релевантни одговори на сите прашања. Апликацијата овозможува пребарувањево реално време, истражување на сложени теми, како и креирање на квалитетни содржини. Perplexity е доверлив партнер за оптимизирање на знаењето и продуктивноста. 

Со ексклузивната празнична понуда на Македонски Телеком, корисниците ќе имаат можност да ја добијат без никаков надомест напредната верзија на оваа услуга, Perplexity Pro која е со редовна годишна претплата од 200 долари. Perplexity Pro вклучува моќни функционалности достапни и на македонски јазик.

Верзијата Pro нуди повеќе извори и служи како личен асистент за истражување на тој начин што ги разбира намерите за пребарување и ги разложува прашањата на повеќе пребарувања за да обезбеди посигурни и поприлагодени одговори.Ги користи најнапредните AI модели на пазарот, како што се: GPT-4o, Claude 3.5 Sonnet и Haiku, бета верзија на Grok-2 и Sonar базиран на Llama 3.1 развиен од Meta.

Како се активира

Сите корисници на Македонски Телеком може да ја активираат Perplexity Pro преку Magenta Moments до крајот на јануари, 2025 година. Понудата се активира во Magenta Moments со отклучување на промотивен код којшто овозможува 12 месечна претплата на Pro верзијата без дополнителен надомест.

Вештачката интелигенција е голем тренд и веќе има широка примена. Со Perplexity, Телеком им овозможува на корисниците едноставен и сигурен пристап до новите технологии.