Што е „валкана бомба“ и дали тоа е нуклеарно оружје?

Дали таканаречената валкана бомба е нуклеарно оружје, до каде може да се прошири нејзиниот материјал по експлозијата и која е нејзината основна цел?

Таканаречената валкана бомба е оружје што комбинира конвенционални експлозиви и радиоактивен материјал, како што е ураниумот. Често се смета дека е оружје на терористите, а не се користи од државите во конвенционални војни, и дека неговата главна цел е да предизвика страв и паника, наместо да елиминира воена цел.

Прашањето што ги интересира многумина е дали „валканата бомба“ е нуклеарно оружје. Одговорот е - не, иако тие самите содржат радиоактивен материјал.

Имено, експлозијата на „валкана бомба“, како и кај конвенционалните бомби, е предизвикана од експлозив, додека кај нуклеарното оружје тоа е производ на нуклеарна реакција. Нуклеарната бомба создава експлозија која е илјадници до милиони пати посилна од конвенционалните експлозиви што се користат во „валканите бомби“, според американското Министерство за домашна безбедност.

Експлозијата на нуклеарна бомба може да збрише цели градови од лицето на земјата, додека „валкана бомба“ урива или оштетува само неколку згради, пишува CNN, пренесува N1.

Облакот во облик на печурка создаден по употребата на нуклеарна бомба може да покрие десетици до стотици квадратни километри, со што ќе се шират ситни честички од нуклеарен материјал, таканаречената радиоактивна прашина. Од друга страна, поголемиот дел од радиоактивниот материјал ослободен од експлозија на „валкана бомба“ може да се прошири на неколку градски блокови или квадратни километри, објаснува американската внатрешна безбедност.

Според истите податоци, „валканата бомба“ никогаш не била употребена до сега, благодарение на неуспехот на планот на чеченските бунтовници да ја активираат во московски парк во 1995 година.

Некои извештаи покажуваат дека терористичките организации Ал Каеда и ИСИС направиле или се обиделе да направат „валкана бомба“, но ниту една никогаш не била активирана.

Се верува дека „валканата бомба“ не може да испорача толкава доза на радијација што би предизвикала итна смрт или штета што би довело до смрт на голем број луѓе. Внатрешната безбедност на САД вели дека опасноста од радијација се зголемува со текот на времето на изложеност и дека превентивните мерки се едноставни - да се оддалечите од радиоактивно подрачје. Поместувањето дури и на кратко растојание од местото на експлозијата може да обезбеди значителна заштита бидејќи дозата на радијација драстично се намалува со оддалеченоста од изворот.

Луѓето треба да ги покријат носот и устата за да избегнат вдишување радиоактивен материјал, да влезат внатре и да се засолнат од радиоактивниот облак, да ја соблечат целата облека што ја носеле во моментот на експлозијата и да ја стават во пластична кеса, а потоа полека да ја измијат радиоактивен материјал со вода.

Фото: Youtube - screenshoot