Таа уште пред 30 години го изолираше коронавирусот: Би требало да победиме ние

Уште во 90-те, д-р Бранислава Кесеровиќ, реномиран специјалист вирусолог од Србија, изолира посебен вид коронавирус и тоа беше нејзината тема за докторска работа во тоа време.

Коронавирусите се инаку име за група вируси кои предизвикуваат болест кај цицачи и птици. Кај луѓето, вирусите предизвикуваат респираторни инфекции, како што се настинки, кои обично се благи. Ретки форми како што се САРС, МЕРС и новиот коронавирус, кој ја предизвика сегашната епидемија на коронарен вирус во Вухан, може да има смртоносни последици.

Засега нема вакцини или антивирусни средства одобрени за превенција или лекување на вирусот, а докторката зборува, меѓу другото, на оваа тема - што би можело да биде лек.

Дали  можеше да се претпостави дека коронавирусот ќе биде толку опасен?

- Мислам дека не, затоа што коронавирусот од човечки вид предизвикува благи респираторни инфекции, но животинските видови предизвикуваат инфекции кај животни, овци и свињи, тешка пневмонија и смрт на целото стадо - рече д-р Кесеровиќ.

Таа го изолираше вирусот од бубрезите

Во интервју за РТС, таа додаде дека ова е прв пат во Кина коронавирусот кај луѓето да предизвика такви тешки респираторни инфекции и дека нејзиниот изолат од коронавирус е од бубрези и тумори и лимфни жлезди кои страдаат од ендемична болест.

Докторката посочува дека било големо изненадување во деведесеттите затоа што вирусот бил изолиран од материјал што немал никаква врска со респираторниот тракт.

Кога за прв пат го виде тоа

За прв пат беше виден со електронски микроскоп од полковникот доктор Спасиќ од ММА и професорот Коста Апостолов од Лондон.

- Тогаш нашата соработка започна со желба да се обидеме да го изолираме тој вирус од тој материјал и да се обидеме да докажеме дали вирусот е причина за ендемично заболување на бубрезите во некои делови од Србија каде бубрезите најчесто откажуваат. Бубрезите се сушат, како орев, а пациентите можат да преживеат одреден период само на дијализа - рече д-р Бранислава Кесеровиќ.

Но, пристигна веста дека Италијанците го изолирале коронавирусот. Колку е далеку тоа до вакцината?

- Бидејќи молекуларната биологија е толку напредна и вирусните ДНК се секвенцираат многу лесно, вакцините се субединечни и се зема само дел од геномот што е важен за производство на антитела кај вакцинирани луѓе. Мислам дека овие вакцини ќе заживеат многу брзо, но вакцината е нешто што е превентивно, за да се спречат нови болести. Кај луѓето кои се веќе заболени, кај нив треба да се дејствува за да им се помогне да заздрават - вели докторката.

На прашањето што е лек, докторката одговара дека лекот на прво место е серум на оние луѓе кои имале болест во оваа епидемија и оздравеле, а создале антитела против коронавирусот.

- Оние кои се излекувани имаат силен имунитет и нивните антитела можат да послужат за лекување на оние кои се во многу сериозна состојба - забележува д-р Кесеровиќ.

Таа додава дека другата опција за лекување е употребата на човечки алфа леукоцитен интерферон, бидејќи интерферон е лек за вируси.

- Миалам дека не се произведува во поголемиот дел на Балканот долго време затоа што немаше разбирање. Работев во Торлак цели 40 години. Кина е голема земја и секако произведува човечки алфа леукоцитен интерферон, а преживеаните секако го примија тој интерферон - рече д-р Кесеровиќ.

Дали вирусите се натпреваруваат со човечкиот вид, и кој на крајот ќе победи во таа битка?

„Би требало ние“, заклува д-р Бранислава Кесеровиќ