Вистинската убавина доаѓа однатре

Нутрикозметичките производи се производи што дејствуваат како нутритивни додатоци во исхраната, со цел нега на кожата, косата и на ноктите, односно промовирање на убавината однатре. Во нутрикозметички производи спаѓаат не само витамините и минералите, туку особен акцент се става и врз колагенот, (биоактивните) пептиди и хијалуронската киселина.Колагенот во моментов е водечки производ во делот на нутрикозметиката, пред сѐ,поради позитивните резултати од неговата примена.

ШТО ПРЕТСТАВУВА КОЛАГЕНОТ И ЗОШТО Е ТОЛКУ ВАЖЕН?

Колагенот е најзастапениот протеин во човековиот организам и опфаќа од 25 до 30 % од вкупните протеини во телото. Тој е составен дел на повеќе ткива во нашето тело, вклучувајќи ги кожата, коските, ’рскавиците, тетивите, лигаментите, крвните садови, непцата и забите, и е неопходен за одржување на нивната нормална структура, цврстина и функција. Постојат неколку типа колаген, од кои колагенот тип I е најзастапен, со 70 – 80 % од вкупната количина на колаген во телото. Тој е најзастапениот влакнест протеин што се наоѓа во кожата, заедно со еластинот и со хијалуронската киселина.Одговорен е за одржување на цврстината и на интегритетот на кожата.

ШТО ВЛИЈАЕ ВРЗ КОЛИЧИНАТА НА КОЛАГЕН ВО ОРГАНИЗМОТ?

Се смета дека со зголемувањето на возрастаи со процесот на стареење опаѓа способноста на нашиот организам за создавање колаген за 1,5 % годишно, а во периодот по четириесеттата година од животот може да достигне намалување од 25%.

Кожата е подложна на промени и на оштетувања како резултат на факторите од околината (ветер, клима-уреди, греење итн.) и на внатрешните промени што се резултат на стареењето. Овие промени дополнително можат да бидат забрзани поради изложеноста на сонце (photo aging – UV-радијација) или поради други фактори поврзани со животниот стил (пушење, алкохол, стрес, недостиг на сон итн.). Генетиката, употребата на цигари, прекумерната изложеност на УВ-светлина и факторите на околината влијаат врз намалувањето на создавањето на овој протеин.

ПОСЛЕДИЦИ ОД НЕДОСТИГОТ НА КОЛАГЕН

Колагенските влакна во кожата стануваат подебели и пократки. Густината на колагенот, еластинот и на хијалуронот се намалува, со што се нарушуваат влажноста, структурата и еластичноста на кожата, поради што се појавуваат брчки. Истовремено, поради недостигот на колаген, кожата станува сѐ потенка и посува.

КАКО ДА ГО НАДОМЕСТИМЕ ПОТРЕБНИОТ КОЛАГЕН?

Резервите на колаген во нашето тело може да се надополнат со земање соодветни додатоци, како на пример течниот хидролизиран колаген Collacare.

Collacare претставува комплексод течен хидролизиран колаген од риба (тип I), хијалуронска киселина, витамини и минерали (витамин Ц, витамин Б3, цинк, витамин Б5, витамин Б2, витамин Б6, бакар, витамин А, биотин и витамин Д3). Collacare се биоактивни колагенски пептиди развиени за да обезбедат повеќе здравствени придобивки и функционални својства. Поради својата мала молекуларна тежина, овој тип на хидролизиран колаген е лесно сварлив, апсорбиран и дистрибуиран во различните ткива на човековото тело.

Колагенот од риба е составен од колаген тип I. Колагенот тип I сочинува 70 – 80 % од нашата кожа иима позитивно влијание врз враќањето на процесот на стареење и врз намалувањето на видливоста на брчките и на целулитот, но и врз зголемувањето на хидратацијата и врз зајакнувањето на цврстината на кожата.Употребата на биоактивни колагенски пептиди довела до значително подобрување на густината на влакната од косата. Студиите покажале дека колагенот може да ги подобри растењето на ноктите и нивната структурата и да го намали нивното кршење. Истовремено, висококвалитетниот колаген од риба има подобра искористливост во организмот, за разлика од говедскиот и од пилешкиот колаген.

Хијалуронската киселина е, исто така, значаен составен дел на сврзните и на епителните ткива на кожата, при што е значајна и за одржување на еластичноста и на влажноста. Се смета дека 50 % од вкупната количина на хијалуронска киселина се наоѓа во кожата.

Со стареењето на организмот се намалува способноста за одбрана нa дерматолошките промени. Антиоксидативните микронутритиенти (витамините и минералите) имаат улога во намалувањето и во неутрализирањето на слободните радикали, кои може да придонесат за оштетување на клетките на ткивата и последователно да доведат до видливи оштетувања, како на пример брчки, лупење, појава на првути сушење на кожата.