ВОЗНЕМИРУВАЧКО: Еве како напаѓачот го впери пиштолот во потпретседателот на Аргентина (ВИДЕО)

Потпретседателката на Аргентина преживеа обид за атентат откако вооружен маж и вперил наполнет пиштол во главата од непосредна близина и го повлекол чкрапалото, но оружјето се заглавило.

Кристина Фернандез де Киршнер (69) вчера вечерта пристигнала пред својата куќа во Реколета, Буенос Аирес, пред толпата поддржувачи, кога потенцијалниот атентатор излегол и ѝ вперил пиштол.

На социјалните мрежи се појавија видеа на кои се гледа како голем број луѓе ја пречекале потпретседателката која била придружувана од нејзиното обезбедување.

El video del arma contra @CFKArgentina pic.twitter.com/8j1xpMnPoe

— Lautaro Maislin (@LautaroMaislin) September 2, 2022

Излегла од автомобилот, кога наеднаш се појавил напаѓач кој ѝ вперил пиштол.

Сe‘ се случи во дел од секундата, а за среќа потпретседателката не беше повредена. Како што пренесуваат аргентинските медиуми, пиштолот бил оддалечен само неколку сантиметри од главата на Кристина.

#AHORA | El momento en que una persona intenta disparar contra la vicepresidenta argentina, Cristina Fernández - TVP. pic.twitter.com/7sPXjqMN8o

— Mundo en Conflicto (@MundoEConflicto) September 2, 2022

Настана метеж, но напаѓачот брзо беше совладан. Напаѓачот, идентификуван од властите како 35-годишен маж со бразилско потекло, беше брзо уапсен од полицијата и му беше одземено оружјето.

Фото и Видео: Твитер