Западната цивилизација ја погоди „спермагедон“
Западната цивилизација ја погоди „спермагедон“
Сè полошата исхрана може да биде главниот виновник за намалување на бројот на сперматозоидите кај мажите, покажала студијата на Харвард. Научниците го нарекоа овој проблем „спермагедон“, а резултатите кои се појавија се шокантни, барајќи почеток на „будење“ и преземање акција за решавање на овој проблем, што влијаеше само на западната цивилизација.
Студијата покажа дека мажите кои консумираат брза храна имаат до 25 проценти помалку активна сперматозоид од мажите кои јаделе здрава храна, според „Дејли меил“.
Научниците го анализираа влијанието на исхраната врз машката сперма и заклучија дека „спермагедонот“ во најголем дел е предизвикан од нездрави навики во исхраната.
Љубителите на пица, помфрит и десерт имаат четвртина помал број на сперматозоиди отколку оние кои јадат многу овошје, риба и зеленчук. Нивниот број на сперматозоиди, која сè уште се смета за мерка на плодност кај мажите, во просек е околу 122 милиони во однос на 167 милиони кај мажи кои консумираат здрава храна.
Откритието беше објавено во мрежата JAMA Open, нагласувајќи дека модерниот животен стил води до драматичен пад на плодноста. Откриено е дека квалитетот на спермата полека и сигурно опаѓа во западните земји во последните неколку децении, кога станавме подебели и помалку активни во исто време.
За начинот на исхрана биле анализирани четири групи мажи, и генерално, вкупното броење на сперматозоиди е 140 милиони на милилитар. Нормалниот опсег е, според Светската здравствена организација, 40 до 300 милиони сперматозоиди на милилитар.
Современиот свет го уништува здравјето на мажите
Бројот на сперматозоиди кај мажите на Запад се намали за 60 проценти во последните 40 години, откриваат научни истражувања кои уште еднаш докажуваат дека современиот свет го уништува здравјето на мажите, пренесува Дејли Меил.
Научниот труд беше објавен во „Human Reproduction Update“, а научниците кои работеа на истражувањето се од Израел, САД, Данска, Бразил и Шпанија. Точниот процентен пад на релативниот број сперматозоиди што тие ги идентификувале е всушност 59,3 проценти, од 1971 до 2011 година. Делови од светот што се покажа како проблематични се, всушност, развиените земји, имено Европа, Северна Америка, Австралија и Нова Зеланд
Пестицидите, хемикалиите кои ги нарушуваат хормоните, исхраната, стресот, пушењето и дебелината, се поврзани со овој проблем. И тој е понатаму поврзан со голем број други болести како што е рак на тестисите. Научниците исто така заклучуваат дека стапката на пад на бројот на сперматозоиди не покажува знаци на запирање во последните години.
Повик за будење
Во исто време, овој тренд не е забележан во другите делови на светот - во Јужна Америка, Африка, Азија, каде исто така се направени соодветни студии. Еден од експертите кој ја коментираше анкетата рече дека тоа е „досега најцелосно“. Тој ги нарече податоците „шокантни“, како и „повик за будење“ итно да ги испита причините за ваквите трендови.
Дополнителен проблем е поврзаноста на хемикалиите со инциденцата на рак на тестисите, бројот на деца родени со само еден тестис, машки пубертет и општо ниво на тестостерон кај мажите. Што се однесува до проблемите со хормоните, научниците по оваа студија повеќе од кога било се сомневаат дека е, меѓу другото, поврзано со мајчиното пушење за време на бременоста. Намалувањето на спермата за прв пат беше забележано пред 25 години.
