Белград добива метро, првата линија готова за 2-3 години

Српскиот претседател Александар Вучиќ, по работната вечера со францускиот претседател Емануел Макрон во Елисејската палата, објави дека Белград ќе добие метро за 2-3 години, пренесува српски Курир.

Вучиќ најави дека до 15 декември ќе се потпише комерцијален договор со француската компанија Алмсто за изградба на првата линија на белградското метро, ​​која треба да биде готова за две и пол до три години.

- До 15 декември конечно ќе потпишеме комерцијален договор за изградба на првата линија на метрото со француската компанија Алстом, значи во следниот месец. И ја завршуваме таа работа или почнуваме да ја финализираме, така што за две и пол години би ја имале првата линија на метрото, две и пол, три, се е исто, но Белград конечно ќе добие метро - рече Вучиќ.

Тој истакнува дека разговарале за ЕУ, заеднички инвестиции, соработка во областа на вештачката интелигенција...

- Купуваме суперкомпјутер од Франција, единствен со таква вредност во Југоисточна Европа - додаде Вучиќ.

Фото: Принтскрин/ Фејсбук Горан Весиќ