Бил бездомник во долгови до гуша, а сега направил зделка од милијарди евра: Видеото стана вирално и е доказ дека чуда се случуваат

На социјалните мрежи кружи видео од извршниот директор на софтверската компанија Фортеро, британскиот Дин Форбс, кој прави зделка вредна милијарда евра, а потоа слави во солзи.

Успехот на овој човек е очигледен, но не секогаш му цветаат рози. Двапати се наоѓа на улица, без покрив над главата, неуспешно игра фудбал, а потоа се случува чудо.

Форбс прво станал бездомник на 14 години, а потоа на 17. Насобраните долгови, кои му тежеле на семејството, се обидел да ги отплати играјќи фудбал, но ни тоа не помогнало.

Првиот пат семејството мораше да се пресели во хостел, а вториот пат се распадна, пренесува Унилад.

„Бев бездомник и пропаднат фудбалер кој почна да се занимава со телемаркетинг за да ги исплати долговите“, изјави Форбс кон крајот на 2022 година.

После тоа, се вработил во компанијата Фортеро и со текот на времето напредувал на позицијата извршен директор.

Пред две години софтверската фирма ја купи Партнерс Груп, а снимката од затворањето на зделката на Форбс ја снимил негов пријател.

„Човек затвори бизнис вреден милијарда евра, ова е лудост! Елитно ниво“, се слуша на снимката.

Штом ја спушти слушалката, Форбс го покри лицето со рацете и им се препушти на емоциите. Подоцна рекол дека добри луѓе му помогнале на тешкото патување.

„Имав многу среќа, но и напорно работев. Научив да станам и да се борам. Не трошам време сожалувајќи се за себе“, рече тој.

Фото:Принтскрин/Инстаграм
Извор:Kurir.rs