Целиот живот ѝ го дадов на татковината, подобро би било да ме убијат отколку ова“: Нагорно-Карабах- Илјадници бегаат бидејќи Ерменија вели дека етничкото чистење е во тек

Сè поголем прилив на бегалци етнички Ерменци бегаат од Нагорно-Карабах по заземањето на спорниот регион од страна на Азербејџан минатата недела.

Повеќе од 13.000 луѓе досега преминале во Ерменија од енклавата, во која живеат мнозинство од околу 120.000 етнички Ерменци.

Тие заминаа откако владата во Ереван ги објави плановите за преселување на оние кои останаа без покрив над главата од борбите.

Ерменскиот премиер предупреди дека етничкото чистење е „во тек“ во регионот.

„Тоа се случува токму сега, и тоа е многу несреќен факт бидејќи се обидувавме да ја поттикнеме меѓународната заедница за тоа“, рече Никол Пашинјан на новинарите.

Азербејџан рече дека сака да ги реинтегрира етничките Ерменци како „еднакви граѓани“.

Претставниците на Ерменија и Азербејџан треба да се сретнат на разговори поддржани од ЕУ во Брисел- први такви разговори по заземањето на Нагорно-Карабах. Портпаролот на американскиот Стејт департмент Метју Милер ги повика двете страни да постигнат траен мировен договор.

Во главниот град на Карабах, Степанакерт, се вели дека во експлозија на бензинска пумпа тешко биле повредени повеќе од 200 луѓе, напиша локалниот омбудсман за човекови права Гегам Степанјан во објава на X, порано познат како Твитер.

Се уште не е јасно што ја предизвикало експлозијата.

Додека луѓето бегаат, на границата со Ерменија има големи сообраќајни колони.

Би-Би-Си разговараше со некои од бегалците кои пристигнаа во градот Горис во Ерменија во неделата, блиску до границата со Карабах.

Целиот живот и го дадов на татковината“, вели еден човек. „Подобро би било да ме убијат отколку ова.

Една жена, Вероника, за Би-Би-Си изјавила дека ова е втор пат да стане бегалец. Првиот пат беше за време на конфликтот во 2020 година.

„Немаме ништо“

Главниот плоштад во Горис е преполн. Театарот во близина е претворен во база на Црвениот крст.

Татјана Оганесјан, лекар и раководител на фондацијата на лекари и волонтери која сега им помага на бегалците во Горис, изјави за Би-Би-Си дека луѓето кои дошле кај лекарите се исцрпени, неухранети и психички згмечени.

„Луѓето се шокирани, ни велат: Ми требаат апчиња, тие се сини“, вели таа. Лекарите потоа треба да го дознаат нивниот лек и да го најдат за нив.

Ерменската влада во соопштението во неделата соопшти дека на стотици бегалци веќе им биле обезбедени станови финансирани од владата.

Но, таа не објави јасен план за тоа како би можела да се справи со приливот на луѓе. Премиерот Пашинјан минатата недела објави дека има планови за згрижување до 40.000 бегалци.

Ерменците со кои Би-Би-Си зборуваше рекоа дека се подготвени да примат бегалци во нивните домови.

Би би си