„Да се биде мајка ми е најголемата грешка во мојот живот“: Отворено напиша зошто животот со дете ја „пореметува“
Многумина едвај чекаат да станат родители и да му го дадат на своето дете најдобриот можен живот.
Но, има и такви кои тешко ја прифаќаат улогата на родители и не се пронаоѓаат во неа. Најчесто се премолчува, бидејќи општеството може да биде многу грубо со своите реакции кон незадоволните родители. Но, една мајка ги пушти сопирачките и напиша како се чувствува, иако - анонимно.
Насловот дека „да се биде мајка е најголемата грешка во нејзиниот живот“ предизвика инстантно внимание на објавата од „Редит“, а остатокот од текстот организира вистински ролеркостер од мислења.
- Да се биде мајка е најголемата грешка во мојот живот. Да, јас го кажав тоа. Најголемо жалење ми е што станав мајка. Кога би можела да се вратам во минатото и повторно да ја донесам одлуката, би останала без деца.
Имањето бебе ја извади секоја грам радост од мене. Повеќе не уживам во ништо. Напуштањето на куќата е искушение. Јадењето е искушение. Туширањето е тешко искушение. Се плашам да се будам секој ден.
Изгубив сè. Моето тело, мојата самодоверба, мојот социјален живот, мојот интимен живот, мојот работен живот, па дури и мојата врска ослабе. Мразам се. Сè што правам е да седам и да го слушам детето како плаче и вреска, цел ден сум со повраќања врз мене и не можам повеќе да издржам. Посакувам да можам само да заминам и да започнам нов живот, но заглавена сум. Засекогаш.
Се борев низ фазата на новороденче и мислев дека можам да ја видам светлината на крајот од тунелот кога мојот син имаше околу три месеци, но искрено тоа беше добро само додека не почнаа заби, несоница и бес. Никогаш не сум била помизерена. Детето моментално има седум месеци. Плаче, не спие и ми го прави животот ужасен.
Ми се гади од животот – напиша таа во многу остра и директна објава.
Би било очекувано коментарите да се фокусираат на мајка која зборува така, но многумина ѝ даваат заслуга што толку отворено зборува за воспитувањето на детето. Повеќето од нив забележале дека оваа несреќна мајка има проблем со менталното здравје и и препорачале да разговара со експерти за тоа.
Ги прифатила предлозите и ги известила сите кои ја следеле приказната дека има депресија и дека оди на терапија и работи на својата психа.
(Ona.rs)
