„Да се случеше тоа сите ќе бевме мртви“! На интернет се споделува неверојатно видео од удар на астероид во Месечината
Автор е tiktoker InsanePatient2, кој не крие дека се занимава со специјални ефекти и споделува „видеа“ од ангели на небото, месечината која паѓа на Земјата, демонските глави кои летаат над градовите...
„Удар на астероид на Месечината беше снимен на камера на 29 јануари 2024 година“, гласи описот на видеото споделено на TikTok. Сепак, тоа е манипулација која често се гледа на интернет во последните години, а ја објавува лице кое се занимава со изработка на специјални ефекти.
На видеото, наводно создадено на американски паркинг, може да се види како неидентификуван објект ита кон Месечината со голема брзина, оставајќи трага зад себе како млазен авион, а кога ќе удри, огромна количина материја се расфрла на сите правци. Сето ова е придружено со алармни сирени кои се слушаат во далечината.
@insanepatient2 Moon hit by asteroid CAUGHT ON CAMERA 1.29.2024
original sound - InsanePatient2
- Кул графика. Да се случеше тоа, сите ќе бевме мртви - напишала една девојка на Тикток во коментар, додека друга прашала:
- Дали некој друг мисли дека вештачката интелигенција е малку надвор од контрола?
Малкумина веруваа дека видеото е вистина. Не само што на лаик му е јасно дека астероидите не се движат на овој начин, туку и затоа што самиот автор на видеото на својот профил објаснил дека се занимава со видео ефекти.
InsanePatient2, како што се претставува, има објавено уште многу видеа на TikTok со неверојатни ефекти – ангел на небото, месечината паѓа на Земјата, демонски глави кои летаат над градовите…
Познатиот сајт за проверка на факти Snopes.com го разоткри видеото пред речиси две години што истиот автор го сподели на Фејсбук, но потоа беше споделено од милиони други луѓе мислејќи дека е вистина. Тогаш од вселенската агенција НАСА им потврдија дека видеото е лажно и дека ударот на астероид на Месечината нема да изгледа така. Заклучокот беше дека се работи за компјутерски генериран ефект.
