Дали и вие го правите тоа? Илон Маск објасни која е неговата страшна навика која има намера да ја замени со вежбање

На прашањето што е првото нешто што го правите кога ќе се разбудите наутро, повеќето ќе го имаат истиот одговор - ќе погледнат во својот паметен телефон.

„Мислам дека имам лоша навика, веројатно иста како и многумина, а тоа е да го проверувам телефонот штом ќе се разбудам наутро. Тоа е всушност ужасна навика, се пожали Илон Маск за време на неодамнешното појавување на „Full Sand Podcast“. Според некои истражувања, дури 80 отсто од корисниците на паметни телефони гледаат во екранот на својот телефон во првите 15 минути по будењето.

Што се однесува до Маск, тој обично оди да спие околу 3 часот наутро и се буди околу 9:30 часот. Тој ја „обвини“ работата како причина зошто гледањето во телефонот е првото нешто што го прави наутро: јас управувам со SpaceX и Tesla, па обично нешто се случува во текот на ноќта. Но, знаејќи ја неговата активност на Твитер, не би се изненадиле ако првото нешто што го прави кога ќе го погледне својот телефон е да ја провери ситуацијата на таа социјална мрежа, да објави статус, да одговара на коментари и слично.

Маск е свесен дека навиката секој ден да се започнува со мобилен телефон во рака не е најздрава, па решил да ја промени. „Треба да вежбам и да бидам во подобра форма“, рече тој во подкастот. Затоа одлучил дека веќе нема да гледа во телефонот штом ќе се разбуди, туку денот ќе го започне – со вежбање. Тој планира да вежба кога ќе се разбуди најмалку 20 минути пред да погледне во телефонот.

CNBC потсетува дека некои поранешни истражувања, како она што беше објавено во 2019 година во British Journal of Sports Medicine, покажаа дека умереното утринско вежбање ја подобрува продуктивноста, краткорочната меморија и позитивно влијае на позитивното одлучување.

Фото: Youtube - screenshoot