Забава // Занимливости

Дали ни се заканува недостиг на храна поради коронавирусот? Наскоро би можеле да се појават проблеми

04 Април, 2020

Пандемија на коронавирус може да влијае на сигурноставо снабдувањето со храна во април и мај.

Проблемите во глобалното снабдување со храна се веројатно во наредните два месеци, а може да се очекуваат покачувања на цените за месото и производи со краток рок на траење, не толку за главните прехранбени производи, пишува „Poslovni“.

Пандемијата со коронавирус може да влијае на безбедноста на снабдувањето со некои видови храна, бидејќи воведувањето на мерки за изолација и ограничување негативно влијае на достапноста на работната сила, објави Организацијата за храна и земјоделство на Обединетите нации (ФАО) на својата веб-страница.

Според CNBC, досега нема нарушувања во глобалното снабдување со храна, бидејќи испораките биле доволни. Сепак, според институцијата, проблеми со снабдувањето може да се очекуваат во текот на април и мај.

Мерките за ограничување на движењето и социјалното растојание можат да го намалат земјоделското производство, проценува ФАО. Слична е ситуацијата со компаниите за храна кои преработуваат земјоделски производи.

„Веќе уште сега ги гледаме предизвиците во форма на логистички проблеми, бидејќи пратките со храна не се во можност да стигнат до точката на поаѓање и пандемичкото влијание врз секторот на добиток, заради ограничениот пристап до добиток и намалениот капацитет на кланиците (заради логистички нарушувања и недостиг на работна сила). Се случи слично и во Кина “, наведува ФАО.